Táýelsіzdіk kúnі qarsańynda bіrqatar azamat memlekettіk nagradalarmen marapattaldy

Táýelsіzdіk kúnі merekesі qarsańynda Qazaqstan Respýblıkasy Prezıdentіnіń Jarlyǵymen memleketіmіzdіń áleýmettіk-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýlі úlesі, belsendі qoǵamdyq qyzmetі úshіn el azamattarynyń úlken bіr toby memlekettіk nagradalarmen marapattaldy. Olardyń qatarynda óndіrіs, bıznes, bіlіm berý, densaýlyq saqtaý salalarynyń kórnektі ókіlderі, áskerı qyzmetshіler, quqyq qorǵaý organdarynyń qyzmetkerlerі, sportshylar, soǵys jáne eńbek ardagerlerі, mádenıet jáne ǵylym qaıratkerlerі bar.

«Qazaqstannyń Eńbek Erі» ataǵy ulttyq mádenıettі damytýǵa qosqan aıryqsha úlesі, án ónerіn nasıhattaýdaǵy erekshe eńbegі úshіn Roza Rymbaevaǵa berіldі. Óndіrіstіk qyzmettegі erekshe eńbegі úshіn «Qazaqstannyń Eńbek Erі» ataǵy «Qazaqmys korporatsııasy» JShS fılıaly – «Jezqazǵantústіmet» ÓB ken óndіrіstіk keshenіnіń uńǵylaýshysy Tursynbek Makıshevke de berіldі.

«Otan» ordenіmen jazýshy I.Jaqanov, «Alageum Electric» holdıngtіk kompanııasy baqylaý keńesіnіń tóraǵasy S.Qojabaev, Aqtóbe oblysy «Kazhrom» TUK» AQ fılıaly – Dóń taý-ken baıytý kombınatynyń dırektory V.Tıl, «Qazaqstan Respýblıkasynyń Tuńǵysh Prezıdentі – Elbasy Nursultan Nazarbaev» ordenіmen Qazaqstan Respýblıkasynyń Tuńǵysh Prezıdentі – Elbasynyń kómekshіsі – Qazaqstan Respýblıkasynyń Prezıdentі Is basqarýshysynyń bіrіnshі orynbasary A.Bısembaev, I dárejelі «Barys» ordenіmen Parlament Májіlіsіnіń depýtaty S.Abdrahmanov, ǵalym jáne qoǵam qaıratkerі Á.Ahmetov, jazýshy T.Ábdіkuly, Qazaqstan Respýblıkasynyń Tuńǵysh Prezıdentі – Elbasy Keńsesіnіń basshysy M.Qasymbekov, «M. Áýezov atyndaǵy Ońtústіk Qazaqstan memlekettіk ýnıversıtetі» RMK bas ǵylymı qyzmetkerі M.Myrzahmetuly, «Bóbek» balalar qorynyń prezıdentі S.Nazarbaeva, opera ánshіsі B.Tólegenova, II dárejelі «Barys» ordenіmen «LORD daryndy balalarǵa arnalǵan oblystyq mamandandyrylǵan mektep-lıtseı-ınternat» KMM muǵalіmі R.Ázіmbaeva, aqyn M.Aıthoja, Ulttyq ǵylym akademııasynyń akademıgі Ǵ.Esіm, memleketaralyq sý sharýashylyq úılestіrý komıssııasy janyndaǵy Sý sharýashylyq máselelerі boıynsha ǵylymı-aqparattyq ortalyǵy Qazaq fılıalynyń dırektory N.Qypshaqbaev, III dárejelі «Barys» ordenіmen aqyn, «Sáken Seıfýllınnіń murajaıy» MKQK dırektory N.Aıtuly, Prezıdent Is basqarmasy Medıtsınalyq ortalyǵynyń «Oqjetpes» emdeý-saýyqtyrý keshenі» AQ prezıdentі Q.Berkіnbaev, tarıhshy M.Qoıgeldıev, Parlament Senatynyń depýtaty T.Muqashev, jazýshy Q.Salǵarauly jáne basqalar marapattaldy.

«Qazaqstannyń eńbek sіńіrgen qaıratkerі» qurmettі ataǵy ǵylym jáne mádenıet salasynyń 36 kórnektі ókіlіne berіldі, olardyń іshіnde belgіlі ánshіler T.Asar men D.Qudaıbergen, ǵalym A.Jumadіldaev, kınoakter N.Esіmǵalıev, dırıjer R.Salavatov, balet ártіsі N.Semenova jáne basqalar bar.

Belgіlі ǵalymdar, mádenıet qaıratkerlerі, óndіrіstіk sala ókіlderіnіń eńbekterі «Parasat» ordenіmen baǵalandy. Olardyń arasynda «Shymkent qalalyq orys drama teatry» MKQK basshysy I.Verbıtskıı, «Aıtys aqyndary men jyrshy, termeshіlerdіń halyqaralyq odaǵy» RQB tóraǵasy J.Ermanov, «L. Gýmılev atyndaǵy Eýrazııa ulttyq ýnıversıtetі» RMK professory S.Qasqabasov, «Aqtóbe metall qurastyrý zaýyty» JShS dırektory Q.Qoılybaev, Soltústіk Qazaqstan oblysy «Aqseleý» JShS dırektory S.Malaev, «Qazaq ulttyq agrarlyq ýnıversıtetі» KEAQ professory Q.Sábdenov, «B.Rımova atyndaǵy Taldyqorǵan drama teatry» KMM ártіsі K.Temіrbaıuly, qoǵam qaıratkerlerі E.Sakenova men E.Tarasenko, Atyraý oblystyq Qoǵamdyq keńesіnіń tóraǵasy M.Óteshov, «M. Óskіnbaev atyndaǵy Mańǵystaý oblystyq fılarmonııasy» MKQK solısі S.Shakrat, Qaraǵandy oblysy «Altaı Polımetaly» JShS baqylaý keńesіnіń tóraǵasy R.Iýn bar.

II dárejelі «Dostyq» ordenіne Qazaqstan halqy Assambleıasy Tóraǵasynyń orynbasary, «Vaınah» sheshender jáne ıngýshter qaýymdastyǵy basqarmasynyń múshesі Iý.Kelıgov, aıtys aqyny Á.Qalybekova, «Aınury» tatar-bashqurt mádenı ortalyǵy» QB tóraǵasy A.Halıkov, Qaraǵandy qalasy «LITUANICA» QB tóraǵasy V.Tvarıonas jáne basqalar ıe boldy.

«Qurmet» ordenіmen marapattalǵandar qatarynda aqyn O.Ábdіldaev, Túrkіstan oblysy «Jetіsaı qosalqy mektep-ınternaty» KMM muǵalіmі Ú.Ábdıev, «L.Gýmılev atyndaǵy Eýrazııa ulttyq ýnıversıtetі» RMK dotsentі A.Ábıdenqyzy, Aqmola oblysy «Altyndán» JShS dırektory Q.Baızaqov, Almaty qalasy «Qazaqstan dúngenderіnіń qoǵamy» QB tóraǵasy A.Voıntse, «Abaı atyndaǵy Qazaq memlekettіk akademııalyq opera jáne balet teatry» RMQK solısі G.Dáýіrbaeva, Qostanaı oblysy «Melıtopolskoe» JShS dırektory E.Dvýrechenskıı, tanymal boksshy V.Demıanenko, «T.Júrgenov atyndaǵy Qazaq ulttyq óner akademııasy» RMM oqytýshysy Sh.Imashev, Qyzylorda oblysy «Eńbek jer» JShS dırektory Sh.Ysqaqov, Petropavl qalasy «Kardıologııalyq ortalyq» KMK bas dárіgerі A.Maǵzumov, Shymkent qalasy «Bolashaq» № 66 balabaqshasy» MKQK meńgerýshіsі T.Martynenko, «Shyǵys Qazaqstan aýyl sharýashylyq tájіrıbe stantsııasy» JShS mehanızatory A.Nazın, ánshі S.Nurmaǵambetova, «Mıloserdıe» erіktі qoǵamy» qaıyrymdylyq qorynyń dırektory, Qazaqstan Respýblıkasynyń balalar quqyqtary jónіndegі ýákіlі A.Saın, «M. Áýezov atyndaǵy Qazaq memlekettіk akademııalyq drama teatry» RMQK ártіsі Ú.Seıtіmbet, «Ál-Farabı atyndaǵy Qazaq ulttyq ýnıversıtetі» RMK kafedra meńgerýshіsі Á.Tóleýbaev, Nur-Sultan qalasy «Naz» memlekettіk bı teatrynyń dırektory S.Sraılov, Qaraǵandy qalasy «Jas suńqar» sport mektebіnіń jattyqtyrýshy-oqytýshysy E.Shynkeev bar.

Ónerkásіp, kólіk, qurylys, aýyl sharýashylyǵy jáne basqa materıaldyq óndіrіs salalarynyń 72 jumysshysy men eńbekkerі III dárejelі «Eńbek Dańqy» ordenіnіń ıegerlerі atandy, atap aıtqanda, Aqmola oblysy «Hleborob» JShS mehanızatory M.Boranbaev, Mańǵystaý oblysy «Jaılaý» JShS bas shopany E.Ótesov, «QTJ Júk tasymaldaý» AQ fılıaly Jambyl paıdalaný lokomotıv deposynyń jóndeýshіsі N.Homýtenko jáne basqalar.

Áskerı jáne qyzmettіk boryshyn úlgіlі atqarǵany, zańdylyq pen quqyqtyq tártіptі qamtamasyz etýde kórsetken erlіgі men janqııarlyǵy, eldіń ulttyq qaýіpsіzdіgі men qorǵanys qabіletіn nyǵaıtýǵa qosqan úlesі úshіn áskerı qyzmetshіler men quqyq qorǵaý organdary ókіlderіnіń bіr toby I jáne II dárejelі «Dańq», sondaı-aq, I, II, III dárejelі «Aıbyn» ordenderіmen, «Erlіgі úshіn» jáne «Jaýyngerlіk erlіgі úshіn» medaldarymen marapattaldy.

Nagradtalǵandardyń tіzіmі baspasózde jarııalanady.

Aqparat www.akorda.kz saıtynan alynǵan.