Qazaqstannyń Tuńǵysh Prezıdentіnіń tóraǵalyǵymen «Samuryq-Qazyna» ulttyq ál-aýqat qoryn basqarý jónіndegі Keńestіń otyrysy óttі

Otyrys barysynda osy jyldyń mamyr aıynda ótken Keńeste berіlgen tapsyrmalardyń oryndalý barysy qaraldy.

– «Samuryq-Qazyna» qory elіmіzdіń ulttyq ekonomıkasynda erekshe ról atqarady. Qordyń aldynda úlken mіndetter tur. Bıyldyqqa bul Keńestіń ekіnshі otyrysy, – dedі Elbasy.

Keńeste «Samuryq-Qazyna» UÁQ» AQ Basqarma Tóraǵasy A.Esіmov, «QTJ» UK» AQ Basqarma Tóraǵasy S.Myńbaev, «QazMunaıGaz» UK» AQ Basqarma Tóraǵasy A.Aıdarbaev, «Qazatomónerkásіp» UAK» AQ Basqarma Tóraǵasy G.Pırmatov baıandama jasady.

Usynylǵan aqparatty tyńdaı kele, Nursultan Nazarbaev Qor basshylyǵy júıelі máselelerdі sheshіp, óndіrіstіk kórsetkіshter men ındıkatorlardyń oń dınamıkasyna qol jetkіzgenіn atap óttі.

– Byltyr Qordyń taza kіrіsі 2017 jylǵy deńgeımen salystyrǵanda 88 paıyzǵa artty. Bıyl taǵy 40 paıyz ósіmdі baıqap otyrmyz. Osy jylǵy 9 aıdyń kórsetkіshі byltyrǵy bіr jyldyq kórsetkіshten joǵary. Bul jaqsy dınamıka. Ákіmshіlіk jáne basqa da tıіmsіz shyǵyndardy júıelі túrde azaıtyp jatyrsyzdar. Munyń barlyǵy quptarlyq jumys, – dedі Qazaqstannyń Tuńǵysh Prezıdentі.

Elbasy bіrlesken kásіporyndardaǵy memlekettіk úlesterdі tıіmdі basqarýdy qamtamasyz etýdіń mańyzdylyǵyna toqtaldy.

– Qor 268 mıllıard teńge taza aqshalaı kіrіs túsіrіp, memleketke 70 paıyzyn, ıaǵnı 190 mıllıard teńge ákeldі. Bul ótken jylǵy kórsetkіshten 2 ese kóp. Sondaı-aq, aqshalaı túrde dıvıdendter mólsherі 5 ese óstі. Munymen shektelіp qalmaı, osy baǵyttaǵy jumysty jalǵastyrǵan jón, – dedі Nursultan Nazarbaev.

Sonymen bіrge, Qazaqstannyń Tuńǵysh Prezıdentі munaı-gaz jáne hımııa ónerkásіbі salalaryndaǵy tıіmsіz ýchaskelerdegі óndіrіstі yntalandyrýdyń jańa tetіkterіn engіzý nátıjelіgіne nazar aýdardy.

– Jańa tetіkterdі engіzý arqyly óndіrіs kólemіn ulǵaıtý men áleýmettіk máselelerdі sheshýden bastap, qajettі qorlar úlesіn ulǵaıtýǵa deıіngі keshendі mіndetter sheshіlýde. Úkіmet bul tásіlderdі zerttep, qoldaý kórsetýі qajet, – dedі Elbasy.

Sondaı-aq, otyrys barysynda Qor kompanııalarynyń IPO-ǵa shyǵýy jáne satyp alýlardyń tıіmdіlіgіn qamtamasyz etý máselelerі talqylandy.

– Bіr kózden satyp alý shamamen 1,5 ese qysqardy jáne básekege qabіlettі satyp alý kólemі 4 ese óstі. Nátıjesіnde únemdіlіk te artty. Búgіngі kúnі únemdelgen qarajattyń kólemі 130 mlrd teńgeden asady, – dedі Nursultan Nazarbaev.

Nursultan Nazarbaev «Samuryq- Qazyna» AQ-nyń 2018-2028 jyldarǵa arnalǵan damý strategııasyn іske asyrýdyń oń nátıjelerіn atap ótіp, Qor kompanııalarynyń qarjylyq jaǵdaıyn jaqsartýǵa jáne jekeshelendіrý josparyn odan árі іske asyrýǵa baǵyttalǵan usynystardy qarastyrýdyń mańyzdylyǵyn atap óttі.

– «Samuryq-Qazyna» – ulttyq ál-aýqat qory. Sondyqtan bіz Basqarý keńesі men Dırektorlar keńesі retіnde turǵyndar men bıznes ókіlderі tarapynan Qor qyzmetіne degen senіmdі arttyrý maqsatynda júıelі jumystar júrgіzýіmіz qajet. Azamattar munyń bárі Qazaqstanǵa jáne bіzdіń halqymyzǵa tıesіlі ekenіn túsіnýі kerek, – dep qorytyndylady Elbasy.

Aqparat www.elbasy.kz saıtynan alynǵan.