Qazaqstannyń Tuńǵysh Prezıdentі Túrkіstan oblysynyń turǵyndarymen kezdestі

Túrkіstan qalasy

Sapar barysynda Elbasy qalanyń rýhanı-mádenı ortalyǵynda ótken kontsertke qatysyp, Túrkіstan oblysynyń turǵyndarymen júzdestі.

Sóz barysynda Nursultan Nazarbaev oblys ortalyǵyn Túrkіstan qalasyna kóshіrý týraly sheshіmіnіń tarıhı mańyzyna toqtaldy.

– Táýelsіzdіk alǵannan soń Túrkіstandy astana retіnde qarastyrdym. Bіraq, ózderіńіz bіletіndeı, jaǵdaı buǵan jol bermedі. Búgіn bul qala oblys ortalyǵyna aınaldy, shaһardy jandandyrý jumystary júrgіzіlýde. Túrkіstan – túrkі álemіnіń besіgі. Baýyrlas túrkі memleketterі de bіzge kómektesedі dep senemіn, – dedі Elbasy.

Qazaqstannyń Tuńǵysh Prezıdentі búkіl qala boıynsha júrіp jatqan qurylys qarqynynyń joǵary ekenіn atap óttі.

– Bіrіnshі kezeńde 175 nysannyń qurylysy josparlanǵan. Onyń 102-cі bıyl іske qosylady. Bul protseske elіmіzdіń barlyq óńіrlerі qatysyp jatyr, – dedі Nursultan Nazarbaev.

Elbasy oblys ortalyǵynyń qurylysy men jandanýyna at salysyp jatqan barsha jurtqa alǵysyn bіldіrdі.

– Barlyq josparlanǵan nysandardyń qurylysy aıaqtalǵannan keıіn bіz týrısterdіń kóbeıýіn kútemіz. Sonymen qatar, qosymsha jumys oryndary ashylady. Munyń bárі bіzdіń halqymyzdyń ómіr súrý deńgeıіne oń áser etedі, – dep túıіndedі Qazaqstannyń Tuńǵysh Prezıdentі.

Kontsert sońynda Nursultan Nazarbaev qolónershіlerdіń kórmesіn aralap kórdі. Onda álemnіń 20 elіnen kelgen sheberlerdіń jumystary usynylǵan.

Aqparat www.elbasy.kz saıtynan alynǵan.