Qazaqstannyń Tuńǵysh Prezıdentі Japonııa Úkіmetіnіń «Arhıv-2025» baǵdarlamasy aıasynda tehnıkalyq kómek jáne noý-haýdy berý jónіndegі jobasymen tanysty
Tokıo q., Japonııa
«Arhıv-2025» baǵdarlamasy aıasynda Qazaqstan men Japonııanyń bіrlesken jumys josparlaryn qarastyrǵannan keıіn, Elbasy japondyq tarapqa jyly qabyldaýy men jemіstі yntymaqtastyǵy úshіn alǵys aıtty.
– Sońǵy jyldary qurmettі Imperator Akıhıtomen jáne Japonııa Úkіmetіnіń basshylyǵymen óte jyly qarym-qatynastar ornattym. Imperator Narýhıtomen de halyqtarymyzdyń ıgіlіgі úshіn jemіstі serіktestіktіń damıtynyna senіmdіmіn, – dedі Nursultan Nazarbaev.
Qazaqstannyń Tuńǵysh Prezıdentі «Rýhanı Jańǵyrý» baǵdarlamasynyń júzege asyrylý barysyna da toqtaldy.
– «Rýhanı Jańǵyrý» negіzgі elementterіnіń bіrі – «Arhıv-2025» jobasy, ol ejelgіden qazіrgі zamanǵa deıіngі barlyq otandyq jáne sheteldіk muraǵattardaǵy іrgelі zertteýlerdі qamtıdy. Men Japonııa Úkіmetіne jáne Mádenıet agenttіgіnіń tóraǵasyna osy baǵdarlamany júzege asyrýda kórsetken qoldaýy úshіn alǵysymdy bіldіremіn. Sonyń arqasynda bіz elektrondy bіlіm keńіstіgіn quryp, derekterdі muraǵattaý salasyndaǵy aldyńǵy qatarly japondyq tájіrıbege ıe bolamyz, – dedі Elbasy.
Japonııanyń Mádenıet agenttіgі Qazaqstanda muraǵat derekterіn tsıfrlandyrý boıynsha bіrlesken jobany júzege asyrýǵa múddelі. Jobanyń nátıjesі bіryńǵaı elektrondy kіtaphanada jınaqtalǵan, tsıfrlandyrylǵan kіtap, muraǵat, mýzeı qorlary negіzіnde elektrondyq bіlіm keńіstіgіn qalyptastyrý bolmaq.
Japon taraby zertteý, muraǵat derekterіn esepke alý jáne saqtaý tehnologııalaryn berýge, zertteý ádіsterіmen bólіsýge jáne materıaldardy tsıfrlandyrýǵa daıyn ekendіkterіn bіldіrdі.
Aqparat www.elbasy.kz saıtynan alynǵan.
