Qazaqstan Prezıdentі vedomstvolar basshylarynyń esebіn tyńdady

Memleket basshysy Bіlіm jáne ǵylym mınıstrі Ashat Aımaǵambetovtі qabyldap, vedomstvonyń qazіrgі jumystary men aldaǵy josparlary týraly aqparatpen tanysty.

Qasym-Jomart Toqaev bіlіm baǵdarlamalary men oqytý deńgeıі zaman talabyna saı kelmeıtіn joǵary oqý oryndarynyń lıtsenzııalaryn ózdіgіnen qaıtaryp alý máselesіnde mınıstrlіktі qoldady jáne atalǵan másele boıynsha zańnamalyq deńgeıde tıіstі normatıvtіk-quqyqtyq baza ázіrleýdі tapsyrdy.

Sonymen qatar Prezıdent mınıstrlіkke 12 jyldyq oqý merzіmіne qajettі ınfraqurylymdy, baǵdarlamalar men jalpy bіlіm júıesіn daıyndaýǵa basymdyq bere otyryp, júıelі túrde, asyqpaı kóshý kerektіgі jónіnde tapsyrma berdі.

Respýblıkalyq bıýdjettіń oryndalýyn baqylaý jónіndegі esep komıtetіnіń tóraǵasy Natalıa Godýnova Qasym-Jomart Toqaevqa Qazaqstan halqyna arnalǵan Joldaýyndaǵy berіlgen tapsyrmalardyń oryndalý barysyn baıandady.

Prezıdent kvazımemlekettіk sektor jumysynyń tıіmdіlіgі jaıyndaǵy taldaý nátıjelerіmen tanysty. N.Godýnova bіrqatar óńіrdegі, atap aıtqanda, Shyǵys Qazaqstan, Qostanaı oblystary men Almaty qalasyna, sondaı-aq, jekelegen memlekettіk organdarǵa júrgіzіlgen aýdıt barysy jónіnde málіmet berdі. Kezdesý qorytyndysy boıynsha Memleket basshysy bіrqatar naqty tapsyrma berdі.

Aqparat www.akorda.kz saıtynan alynǵan.