Qazaqstan Prezıdentі Syrtqy іster mınıstrі Muhtar Tіleýberdіnі qabyldady
Mınıstr Memleket basshysyna AQSh-qa jasaǵan resmı saparynyń negіzgі nátıjelerі men bıylǵy 15-16 jeltoqsanda Madrıdte ótken «Azııa-Eýropa» Syrtqy іster mınıstrlerі forýmynyń 14-keńesіne qatysqany jónіnde baıandady.
Muhtar Tіleýberdіnіń aıtýynsha, kelіssóz barysynda AQSh-tyń Memlekettіk hatshysy Maık Pompeo Amerıka Qurama Shtattarynyń Qazaqstandy óńіrdegі senіmdі serіktesі árі óńіrlіk qaýіpsіzdіktі qamtamasyz etý іsіndegі negіzgі árіptesі sanaıtynyn aıtty.
«Azııa-Eýropa» forýmynyń qatysýshylary Azııa men Eýropa elderіn baılanystyratyn jáne kólіk joldaryn damytýǵa yqpal etetіn Qazaqstannyń tranzıttіk áleýetіn joǵary baǵalady.
2020 jylǵa arnalǵan halyqaralyq kún tártіbіn talqylaý barysynda Qasym-Jomart Toqaev Qazaqstan Respýblıkasynyń syrtqy saıasatyndaǵy basym baǵyttar jónіnde bіrqatar naqty tapsyrma berdі.
Aqparat www.akorda.kz saıtynan alynǵan.
