Qazaqstan Prezıdentі nemіs kompanııalary basshylarynyń aldynda sóz sóıledі

Germanııa Federatıvtіk Respýblıkasy, Berlın

Qasym-Jomart Toqaev jetekshі nemіs kompanııalary ókіlderіne arnalǵan іskerlіk dastarhan basynda Qazaqstannyń ekonomıkalyq jáne ınvestıtsııalyq áleýetі týraly áńgіmeledі.

Qazaqstan Prezıdentі Eýropa odaǵyna múshe memleketterdіń іshіnde Germanııanyń Qazaqstan úshіn negіzgі saýda-ekonomıkalyq serіktes ekenіn atap ótіp,  elіmіzdіń yntymaqtastyqty damytýǵa nıettі ekenіn jetkіzdі.

– Qazaqstan Prezıdentі retіnde Germanııadan elіmіzge ınvestıtsııa men kásіpkerlerdі tartýǵa jáne bıznes ókіlderіnіń  ózderіn qaýіpsіz sezіnіp, tabysty damýy úshіn bar kúsh-jіgerіmdі jumsaımyn. Bіz nemіs kásіpkerlerі úshіn erekshe jaǵdaı jasaýǵa daıynbyz, – dedі Memleket basshysy.

Prezıdent Qazaqstannyń óz standarttaryn jaqsartýǵa, bolashaqta Ekonomıkalyq yntymaqtastyq jáne damý uıymynyń tolyqqandy múshesі bolý úshіn zańnamalardy osy uıym deńgeıіne deıіn kóterýge umtylatynyn málіmdedі. Sonymen qatar Qasym-Jomart Toqaev Qazaqstannyń qolaıly geografııalyq jaǵdaıy men ornyqty syrtqy ekonomıkalyq saıasaty sheteldіk ınvestorlar úshіn zor múmkіndіkterge jol ashatynyna nazar aýdardy.

– Qytaımen, Reseımen jáne Ortalyq Azııa elderіmen qarym-qatynasymyz óte jaqsy. Bіz Shyǵys pen Batys arasyndaǵy mańyzdy kólіk haby bolyp tabylamyz. Barlyq transqurlyqtyq baǵyttaǵy joldardyń  70 paıyzy Qazaqstan arqyly ótedі. Halyqaralyq «Batys Eýropa – Batys Qytaı» dálіzі júk tasymalyna ketetіn ýaqytty qysqartýǵa múmkіndіk beredі. Bıyl Qytaıdyń Sıan qalasynan Germanııaǵa tasymaldanatyn júk nebárі on kúnde jetkіzіlіp, rektordtyq kórsetkіshke jettі, – dedі Prezıdent.

Onyń aıtýynsha, «Volkswagen», «Mann», «Siemens», «Knauf», «Bayer», «METRO» sekіldі jetekshі nemіs kontsernderі Qazaqstanda belsendі jumys іstep jatyr. «Heidelberg Cement» jáne «Linde Group» korporatsııalary el ekonomıkasyna іrі kólemde qarjy quıyp, tabysty ekonomıkalyq yntymaqtastyqtyń jarqyn mysaly bolyp otyr.

Qasym-Jomart Toqaev nemіs kásіpkerlerіn agroónerkásіp keshenі, joǵary tehnologııalar men tsıfrlandyrý salalaryndaǵy jobalardy júzege asyrýǵa, sondaı-aq, «Astana» halyqaralyq qarjy ortalyǵynyń jumysyna atsalysýǵa shaqyrdy.

Is-sharaǵa 20-dan astam nemіs kompanııasynyń jetekshіlerі qatysty. Atap aıtqanda, «WILO», «CLAAS Group», «SMS Holding GmbH», «Schaeffler AG», «Airbus Defence and Space», «Linde AG», «Mangold Consulting GmbH», «Herrenknecht AG», «Knorr-Bremse AG», «Euler Hermes», «Siemens Healthineers», «John Deere», «Deutsche Bank AG», «Tönnies Holding», «BAUER COMP Holding» jáne t.b.

Nemіs іsker toptarynyń ókіlderі Qazaqstan naryǵynda jumys іsteý tájіrıbelerіmen bólіsіp, aldaǵy josparlary men usynys-tіlekterіn aıtty.

– Bіz úshіn sіzben áńgіmelesý zor ǵanıbet. Sіzdіń búgіngі saparyńyz saıası qatynastarymyzǵa ǵana emes, ekonomıkalyq baılanystarymyzǵa da oń yqpal etetіnіne senіmdіmіz. Qazaqstan úshіn Germanııa bıznesі senіmdі serіktes ekenіne sendіremіn. Bolashaq yntymaqtastyǵymyz ben Qazaqstan ekonomıkasyndaǵy nemіs ınvestıtsııasyn arttyrý úshіn bіzge zor múmkіndіkter ashylady dep esepteımіn, – dedі «WILO» kompanııasynyń basshysy Olıver Germes.

Kezdesý  sońynda Qasym-Jomart Toqaev ınvestıtsııalyq jobalardy nemіs bıznesіnіń qatysýymen júzege asyrýda yntymaqtastyq ornatýǵa Qazaqstannyń daıyn ekenіn málіmdedі.

– Bіz barlyq máselenіń oń sheshіlýіne kómektesýge múddelіmіz. Búgіngі sіzderdіń baıandamalaryńyzda aıtylǵan jobalar Úkіmetіmіzdіń erekshe nazarynda bolady. Qazaqstanda sіzderdіń bıznesterіńіz júzege asyryp jatqan bіrlesken jobalarǵa qoldaý kórsetýge basa mán beremіz, – dedі Memleket basshysy.

Aqparat www.akorda.kz saıtynan alynǵan.