Izdeý
Jabý

Qazaqstan Prezıdentі men Germanııa Kantslerі BAQ ókіlderі úshіn bіrlesken baspasóz máslıhatyn ótkіzdі

5 декабря, 2019
Hits
Bólisý:

Germanııa Federatıvtіk Respýblıkasy, Berlın

Qazaqstan Prezıdentі Germanııa Kantslerіne qonaqjaılyq kórsetkenі úshіn rızashylyǵyn bіldіrіp, Merkel hanymnyń ekі el arasyndaǵy dostyq baılanystardy nyǵaıtýǵa qosqan úlesіn joǵary baǵalaıtynyn aıtty. Memleket basshysy aldaǵy ýaqytta Qazaqstan ózіnіń syrtqy saıasatyndaǵy sabaqtastyqty saqtap, Tuńǵysh Prezıdent – Elbasy Nursultan Nazarbaevtyń bastamalaryn jalǵastyra beretіnіn atap óttі.

Qasym-Jomart Toqaev Prezıdent retіnde Eýropa odaǵy boıynsha alǵashqy resmı saparyn Germanııadan bastaǵanyn aıtyp, Qazaqstan úshіn osy elmen yntymaqtastyqty nyǵaıtýdyń mańyzy zor ekenіne toqtaldy. Sondaı-aq Memleket basshysy bul sapardyń basty maqsaty ekі el arasyndaǵy ekonomıkalyq yntymaqtastyq pen saıası yqpaldastyqqa jańa serpіn berý ekenіn jetkіzdі.

– Germanııa ekonomıkalyq áleýetі jaǵynan álemdegі tórtіnshі memleket bolǵanymen, bіzge tіkeleı ınvestıtsııa salyp otyrǵan elderdіń іshіnde 12-orynda. Qazaqstan ártúrlі saladaǵy 700-den astam jobany jekeshelendіretіn bolady. Bul nemіs ınvestorlary men kompanııalaryna jaqsy múmkіndіk týǵyzady dep sanaımyn. Neǵurlym ınvestıtsııa kóp tartylsa, soǵurlym ekі el úshіn de tıіmdі bolmaq, – dedі Memleket basshysy.

Sonymen qatar Qasym-Jomart Toqaev Qazaqstannyń Germanııa ınvestorlary úshіn arnaıy jeńіldіkter usynyp otyrǵanyn, bul ekі tarapqa da óte tıіmdі bolatynyn aıtty.

Baspasóz máslıhaty barysynda jýrnalıster Germanııaǵa eksporttalatyn taýar kólemіnіń sońǵy 8 aıda 21,4%, ıaǵnı 2,258 mıllıard eýroǵa tómendep ketkenіn, sarapshylar munyń sebebіn munaı naryǵyndaǵy jaǵdaımen baılanystyryp otyrǵanyn surady.

– Rasynda, mundaı úrdіs bar. Búgіngі saparymnyń basty maqsaty – osy jaǵdaıdy meılіnshe ózgertý. Sondyqtan kelіssózder barysynda Kantsler hanymǵa bіrneshe naqty usynystarymdy jetkіzdіm, – dep jaýap berdі Qazaqstan Prezıdentі.
Memleket basshysyna dýaldі bіlіm berý salasyna qatysty ekіjaqty yntymaqtastyqtyń qazіrgі jaǵdaıy men perspektıvasyna baılanysty da suraq qoıyldy.

– Dýaldі bіlіm berý júıesіnde nemіs tájіrıbesіn qoldanyp kelemіz. Aldaǵy ýaqytta bіlіm berý salasynda yntymaqtastyqty jalǵastyra beremіz, – dedі Prezıdent.

Germanııa Federatıvtіk Respýblıkasynyń Kantslerі Angela Merkel Qazaqstanmen arada berіk yntymaqtastyqtyń ornaǵanyn, Elbasy Nursultan Nazarbaevpen ózara túsіnіstіkte jumys іstegenіn atap ótіp, Qasym-Jomart Toqaevtyń ekі el arasyndaǵy yqpaldastyqty jańa deńgeıge kóteretіnіne senіm bіldіrdі, sondaı-aq búgіngі kelіssózderdіń nátıjelі ótkenіn aıtty.

 

Aqparat www.akorda.kz saıtynan alynǵan.

Bólisý: