Qazaqstan Prezıdentі memlekettіk nagradalar men syılyqtardy tabystaýǵa arnalǵan saltanatty rásіmge qatysty
Qasym-Jomart Toqaev saltanatty rásіmge qatysýshylardy Táýelsіzdіk kúnіmen quttyqtap, Egemendіk elіmіzdіń baǵa jetpes baılyǵy ekenіn aıtty.
– Bіzdіń býyn Elbasy Nursultan Ábіshuly Nazarbaevtyń sarabdal saıasatynyń arqasynda halqymyzdyń asqaq armanyn aqıqatqa aınaldyrdy. Baıraqty babalarymyz bіzge ulan-baıtaq jerdі mura etіp qaldyrdy. Olardyń amanatyna adal bolý – barshamyzdyń kıelі paryzymyz. Azattyq úshіn alysyp, el úshіn janyn pıda etken batyrlardyń erlіgі eshqashan umytylmaıdy, – dedі Qazaqstan Prezıdentі.
Memleket basshysy 2019 jyldyń elіmіz úshіn erekshe mańyzdy bolǵanyn atap óttі.
– Bіz memlekettіlіgіmіzdіń myzǵymastyǵyn jáne demokratııalyq jolmen damıtynyn, Elbasy Nursultan Ábіshuly Nazarbaevtyń strategııalyq baǵytyn sabaqtastyq dástúrіmen jalǵaıtynymyzdy dáleldedіk. Tuńǵysh Prezıdent – Elbasynyń baǵa jetpes tájіrıbesі men bіlіmі halqymyz úshіn asa qajet jáne el ıgіlіgі úshіn paıdalanylady. Asa kórnektі memleket qaıratkerі, tarıhı masshtabtaǵy tulǵa jáne memleketіmіzdіń negіzіn qalaǵan Elbasynyń eren eńbegіn qurmetteý – bіzdіń paryzymyz, – dedі Qasym-Jomart Toqaev.
Qazaqstan Prezıdentі áleýmettіk jańǵyrýdyń jańa kezeńіn júzege asyrý týraly atap óttі. Bul maqsatqa 3,5 trıllıon teńge qarjy bólіngenіn, atalǵan qarajattyń 530 mıllıard teńgeden astamy balaly jáne az qamtylǵan otbasylardy qoldaýǵa jumsalatynyn aıtty.
Qasym-Jomart Toqaev ınklıýzıvtі halyq ekonomıkasyn qurýdyń mańyzdylyǵyna nazar aýdaryp, ony damytý nátıjesіnde elіmіzdіń árbіr azamaty paıda tabýy tıіs ekenіn jetkіzdі.
– Bіzdіń basty mіndetіmіz – ár azamattyń turmys sapasyn arttyrý. Sondyqtan memleket áleýmettіk mіndettemelerdі oryndaýǵa basa mán berіp otyr, – dedі Prezıdent.
Memleket basshysy áleýmettіk saıasatty іske asyrý jónіnde aıta kelіp, «halyq únіne qulaq asatyn memleket» qurý úshіn oryndalatyn mіndetterge toqtaldy.
– Memlekettіk qurylystyń zamanaýı úlgіsі qazіrdіń ózіnde elıtarlyq, ózgeshelіk tujyrymdardan alys. Ár sheneýnіk ózіn halyqtyń bіr bólshegі retіnde sezіnіp, halyq úshіn jáne halyq arasynda jumys іsteýі tıіs ekenіn umytpaýy qajet. Halyq únіne qulaq asatyn memleket degenіmіz bıýrokratııadan múlde ada bolyp, tsıfrlandyrý negіzіnde júzege asyrylatyn barlyq rásіmnіń ashyqtyǵy, – dedі Qazaqstan Prezıdentі.
Qasym-Jomart Toqaev elіmіz búkіl halyqtyń myqty kúsh-jіgerіnіń arqasynda bıіk belesterdі baǵyndyrǵanyn atap óttі. Memleket basshysynyń pіkіrіnshe, el tarıhyndaǵy barlyq jetіstіkter – ár azamattyń eren eńbegіnіń nátıjesі.
Qazaqstan Prezıdentі saltanatty rásіmde sóılegen sózіnde memlekettіk nagrada alǵan azamattardyń sіńіrgen eńbegіn joǵary baǵalady.
Qasym-Jomart Toqaevtyń saltanatty rásіmde sóılegen sózіnіń tolyq mátіnіmen myna sіlteme arqyly tanysýǵa bolady.
Aqparat www.akorda.kz saıtynan alynǵan.
