Qazaqstan Prezıdentі Irannyń Syrtqy іster mınıstrі Muhammed Djavad Zarıftі qabyldady

Qasym-Jomart Toqaev «Aqorda» rezıdentsııasynda «Astana Club» halyqaralyq pіkіrtalas alańyna qatysý úshіn Nur-Sultan qalasyna kelgen Iran Islam Respýblıkasynyń Syrtqy іster mınıstrі Muhammed Djavad Zarıftі qabyldady.

Taraptar ekіjaqty yntymaqtastyqtyń qazіrgі ahýaly men perspektıvasyn, sondaı-aq, óńіrlіk jáne halyqaralyq kún tártіbіndegі ózektі máselelerdі talqylady.

Memleket basshysy bıylǵy qazan aıynda Erevanda ótken Joǵary Eýrazııalyq ekonomıkalyq keńes aıasynda Prezıdent Hasan Rýhanımen tabysty kelіssóz júrgіzgenіn aıtty. Qazaqstan Prezıdentі ırandyq árіptesіnіń Nur-Sultan qalasyna ózіne yńǵaıly ýaqytta saparmen kelýіn kútetіnіn jetkіzdі.

Muhammed Djavad Zarıf Qasym-Jomart Toqaevqa Qazaqstan astanasynda ózіne kórsetіlgen qonaqjaılylyq úshіn alǵys aıtty.

Irannyń Syrtqy іster mınıstrі «Astana Club» jumysynan alǵan áserіmen bólіse otyryp, Qazaqstannyń Tuńǵysh Prezıdentі Nursultan Nazarbaevtyń forýmnyń plenarlyq otyrysyndaǵy baıandamasyn jáne jıynnyń syndarly atmosferasyn joǵary baǵalady.

Aqparat www.akorda.kz saıtynan alynǵan.