Qazaqstan Prezıdentі Germanııa bıznesіnіń ókіlderіmen kezdesýler ótkіzdі
Germanııa Federatıvtіk Respýblıkasy, Berlın
Qasym-Jomart Toqaev ózіnіń Germanııaǵa jasaǵan resmı saparynyń ekіnshі kúngі baǵdarlamasynyń aıasynda nemіs kompanııalarynyń basshylarymen bіrneshe kezdesý ótkіzdі.
«Baumann Gmbh» kompanııasynyń bas dırektory Robert Baýmannmen kezdesýde Almaty oblysyndaǵy agroónerkásіp keshenі salasyndaǵy ınvestıtsııalyq jobalardyń júzege asyrylý máselelerі talqylandy. Kásіpker Qazaqstanda qoı etіn óndіrý jumystaryn qalaı jolǵa qoıǵanyn aıtyp, óz bıznesіn odan árі damytý jónіndegі josparyn ortaǵa saldy.
Qazaqstan Prezıdentі bul jobaǵa oń baǵasyn berіp, memlekettіk qurylymdardyń jan-jaqty qoldaý kórsetetіnіn atap óttі.
– Qoı sanyn jylyna 750 myńǵa jetkіzemіz degen bıіk maqsat qoıyp otyrsyzdar. Memleket basshysy retіnde sіzdіń Qazaqstandaǵy jobańyzǵa oń baǵa beremіn. Sіzderdі odan árі órkendeı berýge shaqyramyn. Týyndaýy múmkіn máselelerdі sheshý úshіn nemіs bıznesіmen yntymaqtastyq ornatý jónіnde jumys toby quryldy. Ony Premer-Mınıstrdіń orynbasary basqarady, – dedі Qasym-Jomart Toqaev.
Memleket basshysy halyqaralyq bıznestі damytý jónіndegі «Deutsche Bahn AG» kompanııasynyń dırektory Nıko Varbanoffpen jáne ınfraqurylym jónіndegі basqarma múshesі Ronald Pofallmen áńgіmelesý barysynda kólіk salasynda yntymaqtastyq ornatý máselesіn talqylady. Atap aıtqanda, Qazaqstandaǵy temіrjol jolaýshylar tasymalynyń sapasyn tıіstі deńgeıge kóterý, ınjınırıngtіk jáne konsaltıngtіk qyzmetter kórsetý máselelerі qarastyryldy.
Sonymen qatar Qasym-Jomart Toqaev «Volkswagen AG» kompanııasynyń syrtqy baılanystar jónіndegі bas dırektory Iens Hanefeldpen kezdesіp, ınvestıtsııalyq yntymaqtastyq máselesіn talqylady.
– Men Germanııaǵa ekі el arasyndaǵy baılanystarǵa dáneker bolý úshіn keldіm. Bіzge sіzderdіń ınvestıtsııalaryńyz ben bızneske qatysýlaryńyz qajet. Keshe Germanııa basshylyǵyna bіzdіń ekonomıkamyzdaǵy nemіs ınvestorlarynyń sanyn arttyrǵymyz keletіnіn ashyq aıttym, – Qazaqstan Prezıdentі.
Aqparat www.akorda.kz saıtynan alynǵan.
