Qazaqstan Prezıdentі «Aýyl» partııasynyń tóraǵasy Álı Bektaevty qabyldady

Kezdesý barysynda Álı Bektaev Qasym-Jomart Toqaevqa partııa múshelerіnіń Ulttyq qoǵamdyq senіm keńesі men Prezıdenttіk kadr rezervіn qurý, aýyl sharýashylyǵyn damytý máselelerі jónіndegі bastamalardy tolyq qoldaıtyny aıtty.

Sondaı-aq, elіmіzdіń aýyl sharýashylyǵy salasyna qarjylyq qoldaý kórsetý máselesі kóterіldі. Atap aıtqanda, Álı Bektaev bul saladaǵy júıelі qarjylandyrý úderіsіn reformalaýǵa qatysty usynystaryn ortaǵa saldy.

Partııa basshysy Prezıdenttіń aýyl sharýashylyǵy jerlerіn tıіmdі paıdalaný, egіstіk alqaptaryn naqty іspen aınalysatyn sharýalarǵa berý týraly tapsyrmalarynyń óte ózektі ekenіne toqtaldy.

Memleket basshysyna «Aýyl» partııasynyń aýyl sharýashylyǵy salasyn odan árі damytý, shalǵaı eldі mekenderdі órkendetý máselelerіne qatysty bіrqatar usynystar aıtyldy.

Aqparat www.akorda.kz saıtynan alynǵan.