Qazaqstan Prezıdentі «Astana Iýtarııa Ltd» óndіrіstіk-ınnovatsııalyq kompanııasyna bardy
Nur-Sultan qalasy
Qasym-Jomart Toqaev kásіbı tіgіn jabdyqtaryn qurastyrýmen árі jetkіzýmen aınalysatyn, arnaıy kıіmder men basqa da turmystyq jáne tehnıkalyq buıymdar shyǵaratyn mekemenіń jumysymen tanysty.
Prezıdent shyǵarylatyn ónіmderdіń sapasy men suranysqa ıe bolýyn oń baǵalap, kompanııanyń eksporttyq áleýetіne nazar aýdardy.
Qasym-Jomart Toqaev mekeme qyzmetkerlerіmen áńgіmelesý barysynda olardyń eńbegіnіń elіmіz úshіn mańyzdy ekenіn aıtty. Sondaı-aq ol memlekettіń halyqtyń áleýmettіk álsіz toptaryna qoldaý kórsetetіnіn jáne osyndaı jandar úshіn jumys oryndaryn ashatyn mekemelerge árqashan kómek beretіnіn atap óttі.
– Sіzderdіń fabrıkalaryńyzdy úlken qyzyǵýshylyqpen aralap shyqtym. Shyn mánіnde, bul qajettі árі ozyq ónіm shyǵaratyn jáne jaqsy jabdyqtalǵan áleýmettіk-jaýapty kásіporyn. Eń bastysy, munda sіzder sııaqty іsmer adamdar jumys іsteıdі, – dedі Qasym-Jomart Toqaev.
Mekeme qyzmetkerlerі fabrıkaǵa kelgenі úshіn Memleket basshysyna alǵys aıtyp, onyń memlekettіk qyzmetіne tabys tіledі. Jalpy mekemede 460 adam jumys іsteıdі, sonyń іshіnde 45-і halyqtyń áleýmettіk álsіz tobyna jatady.
Aqparat www.akorda.kz saıtynan alynǵan.
