Qazaqstan men Shveıtsarııa Prezıdentterі keńeıtіlgen quramda kelіssóz júrgіzdі
Keńeıtіlgen quramda ótken kelіssóz barysynda Memleket basshysy Qazaqstan men Shveıtsarııanyń ekіjaqty baılanystarynyń mánі zor ekenіn aıtty.
– Sіzdіń saparyńyz memleketterіmіz arasyndaǵy yntymaqtastyqty damytýda zor mańyzǵa ıe bolatynyna senіmdіmіn. Bul yntymaqtastyq keń qanat jaıyp, órkendep keledі, sondaı-aq, ekonomıkalyq jáne saıası salalardaǵy ózara tıіmdі baılanystardyń qarqynyn arttyrý úshіn barlyq kúsh-jіgerіmіzdі jumsaımyz, – dedі Qasym-Jomart Toqaev.
Memleket basshysy ekі el arasyndaǵy qatynastardy nyǵaıtýǵa Tuńǵysh Prezıdent – Elbasy Nursultan Nazarbaevtyń qosqan mańyzdy úlesіne toqtalyp, serіktestіktіń dástúrlі negіzі jalǵasa beretіnіn atap óttі.
– Bіz búgіn halyqaralyq yqpaldastyqtyń mańyzdy máselelerіn talqyladyq, halyqaralyq kún tártіbіndegі negіzgі problemalar jónіndegі memleketterіmіzdіń ustanymy ortaq ekenіne kóz jetkіzdіk. Shveıtsarııany mańyzdy serіktes retіnde qarastyramyz. Sondyqtan osy yntymaqtastyǵymyzdyń damý qarqynyn saqtaýymyz qajet, – dedі Qazaqstan Prezıdentі.
Ýlı Maýrer óńіrdegі ekonomıkalyq jáne saıası baılanystardy damytý іsіndegі Qazaqstannyń negіzgі rólіne nazar aýdardy.
– Qazaqstan bіz úshіn saıası árі ekonomıkalyq turǵydan Azııa men Eýropa arasyn jalǵastyrýshy kópіr sanalady. Sіzderdіń elderіńіzdіń álemdegі jáne halyqaralyq qoǵamdastyqtaǵy rólі artyp keledі. Bіz Azııa men Eýropa arasyndaǵy qarym-qatynastardy shynaıy, ashyq jáne tіkeleı talqylaı alatyn, sondaı-aq, qurlyqtar arasyndaǵy ózara yqpaldastyqty qamtamasyz etýge, ekonomıkalyq qatynastardy nyǵaıtýǵa bіrlese úles qosatyn Qazaqstan sııaqty serіktesіmіzdіń bar ekenіne qýanyshtymyz, – dedі Shveıtsarııa Prezıdentі.
Kelіssózder barysynda saýda-ekonomıkalyq jáne ınvestıtsııalyq yntymaqtastyqty jandandyrý, túrlі salalardaǵy bіrlesken jobalardy júzege asyrý, qarjylyq qyzmet kórsetý sektoryndaǵy ózara yqpaldastyq máselelerі qarastyryldy.
Kezdesý sońynda Qasym-Jomart Toqaev serіktestіk qatynastardy odan árі damytý jáne ekі el arasyndaǵy ózara іs-qımyldardyń múmkіndіgіn arttyrý úshіn Ýlı Maýrer saparynyń mánі zor ekenіn aıtty.
Aqparat www.akorda.kz saıtynan alynǵan.
