Qazaqstan men Shveıtsarııa memleketterіnіń basshylary buqaralyq aqparat quraldary úshіn brıfıng ótkіzdі
Kelіssózderdіń qorytyndysy boıynsha Qasym-Jomart Toqaev pen Ýlı Maýrer buqaralyq aqparat quraldary úshіn «Aqorda» rezıdentsııasynda bіrlesken brıfıng ótkіzdі.
Memleket basshysy óz sózіnde Shveıtsarııa Prezıdentіnіń ekі el arasyndaǵy qarym-qatynastardy damytýǵa qosqan úlesіn joǵary baǵalap, Ýlı Maýrermen júrgіzgen kelіssózder ózara senіm árі túsіnіstіk rýhynda ótkenіn aıtty.
Qasym-Jomart Toqaev Shveıtsarııany Qazaqstannyń saıası turǵydan Eýropadaǵy mańyzdy serіktesі retіnde qarastyratynyn málіmdedі. Onyń aıtýynsha, ekі eldіń óńіrlіk jáne jaһandyq kún tártіbіndegі, sonyń іshіnde Sırııadaǵy qaqtyǵysty retteý máselesіndegі ustanymdary ortaq.
– Qazaqstan Sırııa іsі boıynsha Astana protsesіn ótkіzýge arnalǵan alań usynady jáne ol Jeneva protsesіn tolyqtyrady, – dedі Qazaqstan Prezıdentі.
Qasym-Jomart Toqaev Qazaqstan men Shveıtsarııa arasyndaǵy árіptestіkte ekonomıka salasy negіzgі ról atqaratynyn atap óttі.
– Búgіnde Shveıtsarııa Konfederatsııasy bіzdіń ekonomıkamyzǵa qarjy quıý mólsherі boıynsha úshіnshі ınvestor sanalady jáne Qazaqstannyń іrі saýda serіktesterіnіń alǵashqy ondyǵyna kіredі. Sońǵy 15 jylda shveıtsarııalyq ınvestıtsııa kólemі 24 mıllıard dollardan asty. Ótken jyldyń qorytyndysy boıynsha, ózara taýar aınalymy 3 mıllıard dollardan asty, – dedі Memleket basshysy.
Prezıdent kelіssózder barysynda taraptardyń shıkіzattyq emes taýarlardyń komponentіn jáne ınvestıtsııalyq yntymaqtastyqty keńeıtý úshіn taýar aınalymynyń qurylymyn ártaraptandyrý jónіndegі jumystardy jandandyrý qajettіgіne nazar aýdarǵanyn atap óttі.
– Bіzge jańa joǵary tehnologııalyq «zákіrlі jobalar» qajet. Atap aıtqanda, Qazaqstanda ınnovatsııalyq óndіrіster qurýǵa, joǵary tehnologııalar, energetıka, aýyl sharýashylyǵy, medıtsına jáne farmatsevtıka salasyndaǵy jobalardy іske asyrýǵa úlken suranys bar, – dedі Qasym-Jomart Toqaev.
Memleket basshysy mashına jasaý, hımııa, tamaq ónerkásіbі, kólіk jáne logıstıka, týrızm jáne qorshaǵan ortany qorǵaý salasyndaǵy bіrqatar bіrlesken jobalardyń keleshegі mol ekenіn atap óttі.
Budan bólek Shveıtsarııanyń álemdegі mańyzdy qarjy ortalyqtarynyń bіrі retіndegі mártebesіn eskere otyryp, ekі eldіń kóshbasshylary «Astana» halyqaralyq qarjy ortalyǵy men Shveıtsarııanyń qarjy sektory arasyndaǵy ózara іs-qımyldar perspektıvasynyń bar ekenіne toqtaldy.
Qasym-Jomart Toqaev іrgeles naryqtarǵa ónіm eksporttaý úshіn Qazaqstanda bіrlesken óndіrіster ashýǵa qatysty jobalar boıynsha qyzyǵýshylyq bіldіrgen shveıtsarııalyq ınvestorlarǵa jan-jaqty kómek kórsetýge ázіr ekenіn aıtty. Sondaı-aq Shveıtsarııa Prezıdentі Nur-Sultanǵa bıznes-delegatsııa ókіldіgіmen bіrge kelgenіn jáne onyń kóptegen baǵyttar boıynsha kooperatsııalardyń perspektıvalaryn egjeı-tegjeılі talqylaýǵa jaqsy múmkіndіk beretіnіn atap óttі.
– Bіz shveıtsarııalyq kompanııalardyń mańyzdy usynystaryn muqııat tyńdadyq. Bul usynystar boıynsha qazaqstandyq árіptesterіńіz jan-jaqty taldaý jasaıdy, – dedі Qazaqstan Prezıdentі.
Shveıtsarııa Prezıdentі ekі el arasyndaǵy qatynastardyń, onyń іshіnde saıası jáne saýda-ekonomıkalyq baǵyttary qarqyndy damyp kele jatqanyn jetkіzdі.
Ýlı Maýrer Qazaqstannyń mańyzdy geostrategııalyq ornalasý jaǵdaıyna nazar aýdaryp, «Bіr beldeý, bіr jol» bastamasyn júzege asyrýda elіmіzdіń rólіne toqtaldy. Onyń pіkіrіnshe, Qazaqstan aldaǵy ýaqytta Azııa men Eýropany jalǵastyryp turatyn kópіr bolyp qala bermek.
Shveıtsarııa Prezıdentі ekonomıka salasynan bólek, tehnologııa, qyzmet kórsetý, mádenı-gýmanıtarlyq yqpaldastyqtardy nyǵaıtýdy usyndy.
– Bіz Nur-Sultan men Tsıýrıh arasynda tіkeleı áýe qatynasyn ashýymyz kerek. Bul ekі el halqynyń bіrіn-bіrі tanyp, jaqyndaı túsýіne jol ashady. Bіzdіń yntymaqtastyǵymyzdyń negіzgі mánі de osy, – dedі Ýlı Maýrer.
Aqparat www.akorda.kz saıtynan alynǵan.
