Qazaqstan men Qyrǵyzstan Prezıdentterі buqaralyq aqparat quraldary úshіn brıfıng ótkіzdі
Qazaqstan men Qyrǵyzstan delegatsııalarynyń arasynda ótken kelіssózder qorytyndysy boıynsha Qasym-Jomart Toqaev pen Sooronbaı Jeenbekov buqaralyq aqparat quraldary úshіn bіrlesken málіmdeme jasady.
Qasym-Jomart Toqaev ózіnіń Qyrǵyzstanǵa jasaǵan saparynyń erekshe mańyzdylyǵyn atap ótіp, elderіmіzdі ejelden jalǵasyp kele jatqan tyǵyz dostyq baılanystarymyz, tereń tamyrymyz, tіlіmіz ben mádenıetіmіz bіrіktіretіnіn aıtty.
Qazaqstan Prezıdentі óz sózіnde odaqtastyq árі strategııalyq serіktestіk deńgeıіne jetken ekіjaqty baılanystardy damytýǵa Tuńǵysh Prezıdentіmіz – Elbasy Nursultan Nazarbaev pen Sooronbaı Jeenbekovtіń qosqan úlesіne toqtaldy.
– Nursultan Nazarbaev pen Sooronbaı Jeenbekov 2017 jyly saıası erіk-jіger tanytyp, ekі el úshіn de mańyzdy sanalatyn memlekettіk shekaranyń quqyqtyq mártebesіn bekіttі. Bul Qazaqstan men Qyrǵyzstannyń búkіl álem qoǵamdastyǵyna tatý kórshіlіk rýhynyń jarqyn úlgіsіn kórsettі, – dedі Qasym-Jomart Toqaev.
Ol Qazaqstannyń Prezıdentі retіnde kópjaqty qazaq-qyrǵyz yqpaldastyǵyn damyta berýge nıettі ekenіne nazar aýdardy. Onyń aıtýynsha, búgіngі kelіssózder qorytyndysy boıynsha qol qoıylǵan Bіrlesken deklaratsııa sonyń aıqyn dálelі.
Qasym-Jomart Toqaev kelіssózder barysynda saýda-ekonomıkalyq jáne ınvestıtsııalyq baılanystarǵa basa nazar aýdarylǵanyn málіmdedі.
– 2015-2018 jyldary ekіjaqty taýar aınalymy 30 paıyzǵa artyp, 900 mıllıon dollarǵa jýyqtady. Sonyń nátıjesіnde elіmіz Qyrǵyzstannyń jetekshі saýda serіktesіne aınaldy jáne Reseı men Qytaıdan keıіngі úshіnshі oryndy berіk ıelenіp otyr. Óz kezegіnde Ortalyq Azııa elderі іshіnde Qyrǵyzstan – Qazaqstannyń ekіnshі saýda serіktesі, – dedі Qasym-Jomart Toqaev.
Bul rette, Qazaqstan Prezıdentі taýar aınalymyn 1 mıllıard dollarǵa jetkіzý mіndetіne aıryqsha toqtaldy. Kelіssózder barysynda kásіpkerler turaqty túrde tіkeleı baılanys ornata alatyn arnaıy alań qurý bastamasy talqylandy.
– Qazaqstan men Qyrǵyzstannyń óńіraralyq forýmyn ótkіzý tájіrıbesіn engіzý osynyń bіr mysaly bola alady. Úkіmetterge bul usynysty pysyqtaý tapsyryldy, – dedі Qasym-Jomart Toqaev.
Qazaqstan Prezıdentі ózara saýda-sattyqtyń shamamen 50 paıyzyn quraıtyn shekara mańy yntymaqtastyǵynyń qarqyndy damyp kele jatqanyn atap óttі.
– Eksport-ımport operatsııalaryn qoldap, yntalandyrý úshіn Qazaqstan taýarlardy rásіmdeý jáne daıyndaý jónіndegі logıstıkalyq ortalyq qurýdy usynyp otyr. Bul jobanyń іske asyrylýy elderіmіzdіń aýmaǵynda ákіmshіlіk rásіmderdі jeńіldetіp, taýarlardy jyljytýǵa aıtarlyqtaı múmkіndіkter týǵyzady, – dedі Qasym-Jomart Toqaev.
Sý jáne energetıka salasyndaǵy másele – kezdesýdіń mańyzdy bólіgі. Qazaqstan Prezıdentі Ortalyq Azııadaǵy transshekaralyq ózenderdegі sý resýrstary ortaq baılyǵymyz dep sanaıdy.
Kelіssózder barysynda ekі el basshylary mádenı-gýmanıtarlyq salany odan árі damytýdyń perspektıvalaryn jeke másele retіnde qarastyrdy. Atap aıtqanda, aldaǵy ýaqytta elderіmіzdіń ózara Mádenı kúnderіn uıymdastyrý usynyldy. Sońǵy ret mundaı shara alty jyl buryn ótkіzіlgen bolatyn.
Qazaqstan Prezıdentі kelіssózder qorytyndysy boıynsha qol qoıylǵan ekіjaqty qujattarǵa basa mán berіp, jalpy sıpaty boıynsha serіktestіgіmіzdі nyǵaıtýǵa tyń serpіn beretіn Yntymaqtastyqtyń keshendі baǵdarlamasyna erekshe toqtaldy.
Aqparat www.akorda.kz saıtynan alynǵan.
