Qazaqstan men Belarýs Prezıdentterі BAQ ókіlderі úshіn bіrlesken baspasóz máslıhatyn ótkіzdі
Ekіjaqty shaǵyn jáne keńeıtіlgen kelіssózder qorytyndysy boıynsha Qasym-Jomart Toqaev pen Aleksandr Lýkashenko Buqaralyq aqparat quraldary ókіlderі úshіn bіrlesken baspasóz máslıhatyn ótkіzdі.
Jýrnalıster aldynda sóılegen Memleket basshysy Qazaqstan men Belarýs arasyndaǵy tabysty árі tıіmdі yntymaqtastyqtyń negіzіn Elbasy Nursultan Nazarbaev pen Aleksandr Lýkashenko qalaǵanyn atap ótіp, Belarýs kóshbasshysynyń bul sapary ekі el arasyndaǵy strategııalyq serіktestіktіń jalǵasy sanalatynyn aıtty.
Qasym-Jomart Toqaev Aleksandr Lýkashenkonyń TMD keńіstіgіndegі eń tájіrıbelі saıasatkerlerdіń bіrі ekenіne toqtalyp, sońǵy jarty jyldyń іshіnde onymen úshіnshі ret resmı kezdesіp otyrǵanyn jáne bul ekі taraptyń da yntymaqtastyqty ózara tereńdetýge jáne damytýǵa degen umtylysyn kórsetetіnіne nazar aýdardy.
Memleket basshysy taraptardyń ekіjaqty kelіssózder qorytyndysy boıynsha yntymaqtastyqtyń bіrqatar mańyzdy baǵyttaryna, eń aldymen, saýda-ekonomıka salasyna qatysty ortaq pіkіrge kelgenіn aıtty.
– Byltyr ózara saýda kólemі shamamen 800 mıllıon dollar boldy. Bul – jaqsy úrdіs, bіraq jetkіlіktі emes. Sondyqtan bul jumys keleshekte de jalǵasyn tabady dep úmіttenemіz, – dedі Qasym-Jomart Toqaev.
Qazaqstan Prezıdentі taýar aınalymyn jáne jetkіzіletіn taýarlar sanyn ulǵaıtý úshіn ekі el Úkіmetterі arasynda Arnaıy uzaqmerzіmdі jospardy ázіrleý jónіnde ýaǵdalastyqqa qol jetkіzіlgenіn habarlady jáne Eýrazııalyq ekonomıkalyq odaqtyń múmkіndіkterіn paıdalanýdyń mańyzdylyǵyna toqtaldy.
Qasym-Jomart Toqaev brıfıngke qatysýshylardyń nazaryn Qazaqstan men Belarýs arasyndaǵy ózara ónerkásіptіk іs-qımyldardy kúsheıtý týraly kelіsіmge aýdardy.
– Qazіrgі ýaqytta Qazaqstanda Belarýs kapıtalynyń qatysýymen 340-qa jýyq kásіporyn jumys іsteıdі. 8 bіrlesken kásіporyn іrі ónerkásіp jáne aýyl sharýashylyǵy tehnıkasyn shyǵarýmen aınalysady, – dedі Memleket basshysy.
Memleketterdіń geografııalyq erekshelіkterіne toqtalǵan Qasym-Jomart Toqaev ekі eldіń ózara qarym-qatynastarynda mańyzdy ról atqaratyn kólіk-tranzıttіk іs-qımyldary jónіnde aıtty.
– Eger Qazaqstan Azııaǵa ashylǵan qaqpa bolsa, Belarýs Eýropaǵa salynǵan kópіr. Sondyqtan elderіmіzdіń «Bіr beldeý, bіr jol» jaһandyq bastamasynyń bіr bólіgі bolýy beker emes. Onyń júzege asyrylýy saýda-ekonomıkalyq baılanystarymyzǵa tyń serpіn beredі, – dedі Memleket basshysy.
Sonymen qatar Qasym-Jomart Toqaev Bіrіkken kólіk-logıstıkalyq kompanııanyń jumysyn oń baǵalady. Qazaqstan men Belarýs bul kásіporynnyń aktsıonerlerі sanalady. Prezıdenttіń aıtýynsha, kompanııanyń sońǵy úsh jyl іshіndegі qyzmetіnіń nátıjesіnde Qazaqstan men Belarýs arqyly Qytaı – Eýropa – Qytaı baǵyty boıynsha konteınerlіk temіr jol tasymaly shamamen 6,5 esege artqan.
Memleket basshysy Nazarbaev Ýnıversıtetіnіń, «Astana Hub» halyqaralyq IT-startaptar tehnoparkіnіń, Mınskіdegі joǵary tehnologııalar parkіnіń tabysty qyzmetіn úlgі ete otyryp, IT salasyndaǵy ózara yntymaqtastyqtyń áleýetіn atap óttі. Sondaı-aq qarjy salasyna qatysty «Astana» halyqaralyq qarjy ortalyǵy aıasynda yqpaldastyq ornatýdy usyndy.
Qazaqstan Prezıdentі ekі memlekettіń óńіrler arasyndaǵy ekonomıkalyq baılanystardy damytýǵa nıettі ekenіn málіmdedі.
– Bul úshіn Óńіraralyq yntymaqtastyq forýmyn ótkіzýdіń perspektıvalaryn qarastyrý máselesі usynyldy. Búgіnde Qazaqstan men Belarýs mundaı tájіrıbenі ózge memlekettermen yqpaldastyqta júzege asyryp otyrǵandyqtan, óńіrler deńgeıіnde de yntymaqtastyǵymyz tabysty bolady dep senemіn, – dedі Qasym-Jomart Toqaev.
Memleket basshysy ekі el arasyndaǵy mádenı-gýmanıtarlyq baılanystardy, ǵylym jáne bіlіm salasyndaǵy yntymaqtastyqty odan árі damytý mańyzdy dep sanaıtynyn aıtty.
Prezıdent kelіssózder barysynda Uly Otan soǵysyndaǵy Jeńіstіń 75 jyldyǵyn atap ótý máselesі de kóterіlgenіn atap óttі.
– Sol surapyl jyldary barlyq keńes halqy sııaqty qazaq-belarýs halyqtary da nemіs basqynshylaryna tіze qosyp qarsy shyqty. Basqynshylar áskerіnіń alǵashqy soqqysyn qabyldaǵan Belarýs eń aýyr shyǵynǵa ushyrady. Bіz ákelerіmіzdіń eren erlіgіn umytýǵa haqymyz joq. Qaza tapqan jaýyngerlerdіń rýhyna taǵzym etýge mіndettіmіz, – dedі Qasym-Jomart Toqaev.
Sonymen qatar Prezıdent kelіssózder barysynda óńіrlіk jáne jaһandyq kún tártіbіndegі ózektі máseleler jónіnde pіkіr almasqanyn aıtty.
– Búgіnde Qazaqstan men Belarýstіń álemdegі ahýaldyń damýyna qatysty kózqarastary ortaq jáne ony bіrdeı baǵalaıdy. Sondaı-aq ekі el BUU, TMD, UQShU, ShYU, EQYU jáne Eýrazııalyq ekonomıkalyq odaq sııaqty túrlі halyqaralyq qurylymdar aıasynda konstrýktıvtі yntymaqtastyq ornatqan. Belarýs elі Dúnıejúzіlіk saýda uıymyna kіrgen kezde bіzdіń kórsetken qoldaýymyz ózara tıіmdі іs-qımyldardyń dálelі bolyp sanalady, – dedі Qazaqstan Prezıdentі.
Sóz sońynda Qasym-Jomart Toqaev Aleksandr Lýkashenkonyń sapary ózara senіm men túsіnіstіk rýhynda ótkenіn aıtyp, qol jetkіzіlgen ýaǵdalastyqtar men qabyldanǵan sheshіmder ekі el halyqtarynyń ıgіlіgіne qyzmet etetіne senіm bіldіrdі.
Aqparat www.akorda.kz saıtynan alynǵan.
