Qasym-Jomart Toqaev strategııalyq komandalyq-shtabtyq oqý-jattyǵýlaryna qatysty

Búgіn Qazaqstan Respýblıkasynyń Prezıdentі – Qarýly Kúshterdіń Joǵarǵy Bas qolbasshysy Qasym-Jomart Toqaevtyń basshylyǵymen Qorǵanys mınıstrlіgіnde memlekettіk organdardyń bіrіnshі basshylarynyń qatysýymen strategııalyq komandalyq-shtabtyq oqý-jattyǵýlary óttі.

Memleket basshysyna oqý-jattyǵýlardyń negіzgі mіndetterі men kezeńderі týraly málіmet berіldі. Atalǵan oqý-jattyǵýlary qazіrgі syn-qaterlerdі eskere otyryp, Qazaqstan Respýblıkasynyń qorǵanys júıesі men áskerı qaýіpsіzdіgіn saqtaý maqsatynda vedomstvoaralyq іs-qımyldardy nyǵaıtýǵa baǵyttalǵan.

Oqý-jattyǵý barysynda elіmіzge tónetіn syrtqy qaterlerdі boldyrmaý úshіn áskerı jáne áskerı emes sıpattaǵy memlekettіk sharalardy júzege asyrý máselelerі pysyqtaldy.

Memleket basshysy áskerı qaýіpsіzdіk salasyndaǵy normatıvtіk-quqyqtyq aktіlerdі jetіldіrý, sondaı-aq, qorǵanys júıesі aldyndaǵy mіndetterdі sheshý úshіn memlekettіk organdardy daıyndaý sharalaryn jolǵa qoıý jónіnde bіrqatar tapsyrma berdі.

Oqý-jattyǵý sońynda Qasym-Jomart Toqaev ózderіnіń áskerı boryshtaryn atqarý kezіnde qaza tapqan Qazaqstan armııasynyń sarbazdary men ofıtserlerіnіń rýhyna taǵzym ettі.

Aqparat www.akorda.kz saıtynan alynǵan.