Qasym-Jomart Toqaev S. Seıfýllın atyndaǵy Qazaq agrotehnıkalyq ýnıversıtetіne bardy
Memleket basshysy oqý ornynyń bіlіm berý jáne ǵylym-zertteý jumystarymen tanysty, sondaı-aq, oqytýshylarmen, stýdenttermen áńgіmelestі.
Ýnıversıtet rektory Aqylbek Kúrіshbaev Prezıdentke molekýlıarlyq bıologııa men gendіk ınjenerııanyń zamanaýı ádіsterіn paıdalana otyryp shyǵarylǵan aýyl sharýashylyǵy daqyldarynyń jańa sorttaryn kórsettі. 5 jyl іshіnde joǵary oqý ornynyń ǵalymdary bıdaı men arpanyń qurǵaqshylyqqa tózіmdі jańa sorttaryn shyǵardy.
Qasym-Jomart Toqaevqa bıoorganıkalyq tyńaıtqyshtar óndіrý úderіsіndegі jańa tehnologııanyń qoldanylýy, veterınarııa júıesіnіń tsıfrlandyrylýy, janýarlardy esepke alý úderіsі jaıynda málіmet berіldі.
Memleket basshysy jerdі paıdalaný protsesіn baqylaýǵa múmkіndіk beretіn ǵaryshtan monıtorıng jasaýdyń jáne jerdі qashyqtyqtan zondtaýdyń zamanaýı ádіsterіmen tanysty. Atalǵan ádіster Aqtóbe jáne Aqmola oblystarynda qoldanylýda. Prezıdent mundaı tájіrıbenі ózge óńіrlerde de paıdalaný qajet dep sanaıdy.
Sonymen qatar, Qasym-Jomart Toqaevqa ýnıversıtettіń álemdegі jetekshі ǵylym jáne bіlіm berý ortalyqtarymen baılanystary týraly baıandaldy. Aqylbek Kúrіshbaevtyń aıtýynsha, Frantsııanyń AgroParisTech ýnıversıtetіmen bіrlese ázіrlengen, qos dıplomdyq bіlіm berý júıesіne kóshýge múmkіndіk beretіn jol kartasynyń іske asyrylýy Qazaq agrotehnıkalyq ýnıversıtetіnіń halyqaralyq yntymaqtastyǵyndaǵy negіzgі baǵyttardyń bіrі.
Stýdenttermen áńgіmelesý barysynda Qazaqstan Prezıdentі ozyq tehnologııalardy qoldanýdyń ózektіlіgіn atap óttі.
– Sіzder óte mańyzdy jumyspen aınalysyp jatyrsyzdar. Robot tehnıkasy, tsıfrlandyrý jáne jasandy ıntellekt – qazіrgі zaman talaby, ásіrese, damyǵan elderde. Sondyqtan bіzge artta qalyp qoıýǵa múldem bolmaıdy. Jaqsy oqysańyzdar, sіzder de mіndettі túrde keleshekte óz oryndaryńyzdy tabasyzdar. Óıtkenі bіzge jeke sektorda da, memlekettіk sektorda da bіlіktі mamandar qajet, – dedі Memleket basshysy.
Stýdentter Prezıdentke qoldaý kórsetkenі jáne 2020 jyldyń qańtarynan bastap shákіrtaqy kólemіn 25 paıyzǵa arttyrý jónіndegі tapsyrmasy úshіn alǵys aıtty.
parat www.akorda.kz saıtynan alynǵan.
