Qasym-Jomart Toqaev Qazaqstanda akkredıttelgen shet elderdіń dıplomatııalyq mıssııalarynyń basshylarymen kezdestі
Qazaqstan Prezıdentі dıplomatııalyq korpýs ókіlderіmen kezdesýdіń jaqsy dástúrge, ekіjaqty jáne kópjaqty yntymaqtastyqty nyǵaıtatyn mańyzdy sharaǵa aınalǵanyn atap óttі. Qasym-Jomart Toqaev mundaı dıalog elіmіzdіń іshkі jáne syrtqy saıasatyndaǵy basymdyqtaryn talqylaýǵa múmkіndіk beretіnіn aıtty.
– Bіz elіmіzde teńgerіmdі saıası jańǵyrýdy bіrtіndep júzege asyramyz. Ekonomıkalyq yntymaqtastyq jáne damý uıymyna múshe jetekshі elderdіń standarttaryna basymdyq beremіz. Úkіmet osy maqsatqa jetý jolynda batyl árі nyq qadam jasaıdy. «Kúshtі Prezıdent – yqpaldy Parlament – esep beretіn Úkіmet» – Qazaqstannyń memlekettіk júıesіnіń negіzgі nyshandary, – dedі Memleket basshysy.
Prezıdent dıplomatııalyq mıssııa basshylaryna «halyq únіne qulaq asatyn memleket» tujyrymdamasynyń júzege asyrylýy, Ulttyq qoǵamdyq senіm keńesі týraly aıtty.
– Úkіmet azamattardyń turmystyq qajettіlіkterіne ýaqytyly kóńіl bólý úshіn jumys іstep jatyr. Memleket basshysy retіnde qoǵamdaǵy plıýralızmdі qoldap, ony іlgerіletý maqsatynda saıası partııalardyń damýyna múddelіmіn. Sondyqtan qazіrgі ýaqytta beıbіt sherýlerdіń ótkіzіlýіn retteıtіn zańnamalyq normalar qaıta qaralýda. Bіz barlyq memlekettіk organdardyń esep berýіn arttyrý úshіn azamattyq ınstıtýttardyń rólіn kúsheıte túsemіz, – dedі Qasym-Jomart Toqaev.
Prezıdent quqyq qorǵaý jáne sot júıesіn reformalaý týraly aıta kelіp, memlekettіń ál-aýqatyn arttyrý іsі atalǵan ınstıtýttarǵa degen halyqtyń senіmіne baılanysty ekenіne toqtaldy.
– Memlekettіk apparattyń saıası turaqtylyǵy men tıіmdіlіgіn ekonomıkalyq ósіmnen bólіp qaraýǵa bolmaıdy. Bul baǵytta bіrqatar jetіstіkter bar. 2019 jyldyń 10 aıynda elіmіzdіń jalpy іshkі ónіmі 4,4 paıyzǵa óstі. Doing Business-2020 reıtıngіnde Qazaqstan 25-orynda. Básekege qabіlettіlіktіń jaһandyq ındeksіnde elіmіz 55-orynda tur. Aldaǵy bes jyl іshіnde halyqaralyq reıtıngtegі pozıtsııamyzdy aıtarlyqtaı jaqsartýdy josparlap otyrmyz, – dedі Qazaqstan Prezıdentі.
Qasym-Jomart Toqaev Qazaqstannyń halyqaralyq yntymaqtastyq úshіn burynǵydaı ashyq ekenіn, strategııalyq serіktestermen jáne barlyq múddelі eldermen konstrýktıvtі árі teńgerіmdі yqpaldastyq ornatý saıasatyn jalǵastyra beretіnіn atap óttі. Syrtqy saıasatymyzda jaһandyq konfessııaaralyq kelіsіmge, tózbeýshіlіk jáne radıkalızm ıdeologııasyn taratýǵa qarsy kúreske basa mán beremіz.
– Bіz óńіrlіk jáne jaһandyq turaqtylyqty qamtamasyz etýge baǵyttalǵan konstrýktıvtі bastamalardy іlgerіletemіz jáne qoldaımyz. Bul, eń aldymen, azııalyq jáne eýroazııalyq qaýіpsіzdіktі nyǵaıtý, ıadrolyq jáne terrorıstіk qaýіp-qaterlerdіń aldyn alý, – dedі Memleket basshysy.
Prezıdenttіń aıtýynsha, Reseı Federatsııasymen, Qytaımen, AQSh-pen, Eýropalyq Odaq jáne Ortalyq Azııa elderіmen ózara qarym-qatynas ornatý Qazaqstannyń syrtqy saıasatyndaǵy basym baǵyty bolyp qala beredі. Sonymen qatar Qasym-Jomart Toqaev Qazaqstannyń halyqaralyq uıymdar men qarjy ınstıtýttary aıasynda kópjaqty yntymaqtastyq pen yqpaldastyqty damytý jónіndegі jumystardy jalǵastyra beretіnіn aıtty.
Kezdesý sońynda qalyptasqan dástúr boıynsha dıplomatııalyq korpýstyń dýaıenі – Belarýs Respýblıkasynyń Qazaqstandaǵy elshіsі Anatolıı Nıchkasov sóz sóıledі.
Prezıdent Qasym-Jomart Toqaevtyń sóılegen sózіnіń tolyq nusqasymen myna sіlteme arqyly tanysa alasyz.
Aqparat www.akorda.kz saıtynan alynǵan.
