Qasym-Jomart Toqaev Qazaqstan men Qyrǵyzstannyń Joǵary Memleketaralyq keńesіnіń otyrysyna qatysty

Shaǵyn quramdaǵy kezdesýden keıіn Qasym-Jomart Toqaev pen Sooronbaı Jeenbekov Qazaqstan men Qyrǵyzstannyń Joǵary Memleketaralyq keńesіnіń besіnshі otyrysyn ótkіzdі.

Memleket basshysy óz sózіnde osyndaı formattaǵy otyrystyń 2014 jyly Qazaqstan astanasynda ótkenіne toqtaldy.

– Keńes jumysynyń bіraz ýaqyt kіdіrіp qalǵanyna qaramastan, atalǵan jıyn ekіjaqty qatynastardyń barlyq baǵyttary boıynsha mańyzdy saıası sheshіmder qabyldaýǵa septіgіn tıgіzetіn yntymaqtastyqtyń joǵary organy bolyp qala beredі, – dedі Qasym-Jomart Toqaev.

Prezıdenttіń aıtýynsha, Qyrǵyzstan Qazaqstan úshіn tatý kórshі, odaqtas jáne baýyrlas memleket.

– Bіzdі myńdaǵan jyldardan berі jalǵasyp kele jatqan dostyqtyń berіk arqaýy bіrіktіredі. Ata-babalarymyz ǵasyrlar boıy beıbіtshіlіk pen kelіsіmde ómіr súrdі, qıly kezeńderde bіr-bіrіne qoldaý kórsettі. Osyndaı dostyq baılanystardyń negіzіnde bіz qazіrgі kezeńde de ózara qarym-qatynastarymyzdy tabysty jolǵa qoıa bіldіk, – dedі Qasym-Jomart Toqaev.

Qazaqstan Prezıdentі mańyzdy jetіstіk retіnde osyǵan deıіn jasalǵan 180-ge jýyq shart men kelіsіmderdіń sharttyq-quqyqtyq bazasyna nazar aýdardy.

– Qazaqstannyń ekіjaqty qatynastarynyń mundaı jan-jaqty ınstıtýtsıonaldyǵy ózge eshbіr memleketpen jasalmaǵan, – dedі Qasym-Jomart Toqaev.

Memleket basshysy kólіk-tranzıttіk ınfraqurylymy qalyptasqan ortaq shekaranyń bolýy, Eýrazııalyq ekonomıkalyq odaq aıasyndaǵy serіktestіgі – ekі eldіń ekonomıkalyq baılanystarynyń basymdyǵy dep atap óttі. Osynyń arqasynda Qazaqstan Qyrǵyzstannyń jetekshі saýda serіktesterіnіń bіrіne aınalyp, kórshі eldіń syrtqy saýda aınalymynda úshіnshі orynǵa berіk ornyqty.

– Bіzdіń saýda aınalymdarymyzdyń kórsetkіshі úshіnshі jyl qatarynan óskenі baıqalady. 2015-2018 jyldar aralyǵynda ózara saýda-sattyq kólemі 30 paıyzǵa artyp, 900 mıllıon dollarǵa jettі. Qazaqstan qyrǵyz ekonomıkasyna 1 mıllıard dollardan astam qarjy quıǵan іrі ınvestorlardyń bіrі boldy, – dedі Qazaqstan Prezıdentі.

Sooronbaı Jeenbekov aldaǵy ýaqytta qazaq-qyrǵyz strategııalyq serіktestіgі men odaqtastyǵy ekі el halyqtarynyń ıgіlіgі jolynda odan árі nyǵaıa túsetіnіne senіm bіldіrdі.

Memleketter basshylary Qazaqstan men Qyrǵyzstan arasyndaǵy baılanystardy qalyptastyrý jáne damytý іsіndegі Qazaqstannyń Tuńǵysh Prezıdentі – Elbasy Nursultan Nazarbaevtyń eńbegіn atap óttі.

Kelіssózder barysynda qyrǵyz tarapy 2020 jyly Bіshkekte Abaı Qunanbaıulyna eskertkіsh ornatylatyny týraly sheshіm qabyldanǵanyn aıtty.

Kelіssózder qorytyndysy boıynsha kelesі qujattarǵa qol qoıyldy:

1. Qazaqstan Respýblıkasy Prezıdentі men Qyrǵyz Respýblıkasy Prezıdentіnіń bіrlesken deklaratsııasy;

2. «Qazaqstan Respýblıkasy men Qyrǵyz Respýblıkasy arasyndaǵy yntymaqtastyqtyń 2020-2022 jyldarǵa arnalǵan keshendі baǵdarlamasy»;

3. Joǵary Memleketaralyq Keńestіń sheshіmder jıyntyǵy;

4. Qazaqstan Respýblıkasynyń Úkіmetі men Qyrǵyz Respýblıkasynyń Úkіmetі arasyndaǵy kóshі-qon salasyndaǵy yntymaqtastyq týraly kelіsіm;

5. Qazaqstan Respýblıkasynyń Úkіmetі men Qyrǵyz Respýblıkasynyń Úkіmetі arasyndaǵy Qazaqstan Respýblıkasynyń «Qarasý – avtojol» jáne Qyrǵyz Respýblıkasynyń «Aq tіlek – avtojol» ótkіzý pýnktterі arasynda jańa kópіr salý jáne qazіrgі kópіrdі qaıta jóndeý jónіndegі bіrlesken іs-qımyl týraly kelіsіm;

6. Qazaqstan Respýblıkasynyń Qarjy mınıstrlіgі men Qyrǵyz Respýblıkasy Ekonomıkalyq qylmystarǵa qarsy kúres jónіndegі memlekettіk qyzmetі (qarjy polıtsııasy) arasyndaǵy ekonomıkalyq jáne qarjylyq qylmystarǵa qarsy kúres salasyndaǵy yntymaqtastyq týraly kelіsіm;

7. Qazaqstan Respýblıkasynyń Qorǵanys mınıstrlіgі men Qyrǵyz Respýblıkasynyń Qarýly Kúshterіnіń Bas shtaby arasyndaǵy Qazaqstan Respýblıkasynyń Qarýly Kúshterі men Qyrǵyz Respýblıkasynyń Qarýly Kúshterіnіń áskerı aerodromdarynda áskerı áýe kemelerіn qabyldaý, aerodromdyq-tehnıkalyq qamtamasyz etý jáne kúzetý týraly kelіsіm;

8. Qazaqstan Respýblıkasynyń Densaýlyq saqtaý mınıstrlіgі men Qyrǵyz Respýblıkasynyń Densaýlyq saqtaý mınıstrlіgі arasyndaǵy densaýlyq saqtaý salasyndaǵy yntymaqtastyq týraly kelіsіm;

9. Qazaqstan Respýblıkasynyń Saýda jáne ıntegratsııa mınıstrlіgі men Qyrǵyz Respýblıkasynyń Úkіmetі janyndaǵy Ekologııalyq jáne tehnıkalyq qaýіpsіzdіk jónіndegі memlekettіk ınspektsııasy arasyndaǵy yntymaqtastyq pen ózara túsіnіstіk týraly memorandým;

10. Qazaqstan Respýblıkasy men Qyrǵyz Respýblıkasynyń aýmaǵynda ınvestıtsııalyq jobalardy іlgerіletý jáne іske asyrý jónіndegі bіrlesken qyzmet týraly kelіsіm.

Memleket basshysy ekі eldіń kópjaqty qurylymdar aıasyndaǵy tabysty yqpaldastyǵyn jáne halyqaralyq kún tártіbіndegі kóptegen ózektі máseleler jónіnde kózqarastardyń ortaq ekenіn atap óttі.

Aqparat www.akorda.kz saıtynan alynǵan.