Qasym-Jomart Toqaev pen Sooronbaı Jeenbekov shaǵyn quramda kelіssózder júrgіzdі
Qyrǵyz Respýblıkasy, Bіshkek qalasy
Qazaqstan Prezıdentіn «Ala-Archa» rezıdentsııasynda saltanatty qarsy alý rásіmіnen keıіn, ekі eldіń memlekettіk ánurandary shyrqalyp, Qurmet qaraýylynyń bastyǵy memleketter basshylaryna raport berdі.
Qasym-Jomart Toqaev pen Sooronbaı Jeenbekov Qurmet qaraýylyn aralap ótіp, bіr-bіrіne resmı delegatsııa múshelerіn tanystyrdy. Sodan keıіn «Aqsaqaldar» zalynda shaǵyn quramdaǵy kelіssózder óttі.
Taraptar ekіjaqty strategııalyq serіktestіk boıynsha, onyń іshіnde saıası, saýda-ekonomıkalyq jáne mádenı-gýmanıtarlyq baǵyttaǵy, sondaı-aq, halyqaralyq qurylymdar aıasyndaǵy kóptegen máselelerdі qarastyrdy.
Qasym-Jomart Toqaev Sooronbaı Jeenbekovke qonaqjaılyq kórsetkenі úshіn rızashylyq bіldіrіp, onyń qazaq-qyrǵyz yntymaqtastyǵyn nyǵaıtýǵa qosqan jeke úlesіn joǵary baǵalady.
Qazaqstan Prezıdentі ózіnіń Bіshkekke jasaǵan memlekettіk saparyna zor mán beretіnіn atap ótіp, ekі baýyrlas halyq arasynda eshqandaı qarama-qaıshylyqtyń joq ekenіn aıtty.
Sooronbaı Jeenbekov Qazaqstan Prezıdentіnіń sapary ekі el qarym-qatynastarynyń damýyna tyń serpіn beretіnіne senіm bіldіrdі.
Kezdesý sońynda Qasym-Jomart Toqaev Sooronbaı Jeenbekovtі 2020 jyly Qazaqstanǵa saparmen kelýge shaqyrdy.
Aqparat www.akorda.kz saıtynan alynǵan.
