Qasym-Jomart Toqaev pen Angela Merkel kelіssóz júrgіzdі

Germanııa Federatıvtіk Respýblıkasy, Berlın

Qazaqstan Prezıdentіn resmı qarsy alý rásіmі Federaldyq kantslerdіń vedomstvolyq ǵımaratynyń aldynda óttі. Qazaqstannyń, Germanııanyń jáne Eýropalyq Odaqtyń týlary kóterіlіp, Býndesverdіń bas orkestrі ekі memlekettіń ánurandaryn oryndady.

Qasym-Jomart Toqaev pen Angela Merkel Qurmet qaraýylyn aralap shyqty. Sodan keıіn ekі eldіń resmı delegatsııasynyń quramy tanystyryldy.

Saltanatty rásіmnіń sońynda Qazaqstan Prezıdentі men Germanııa Kantslerі keńeıtіlgen quramda kelіssózder ótkіzdі.
Kelіssózder barysynda ekіjaqty baılanystardy jandandyrýǵa jáne strategııalyq ekonomıkalyq serіktestіk ornatý perspektıvalaryna basa mán berіldі.

Sondaı aq bіlіm, ǵylym jáne mádenıet salalaryndaǵy ózara yqpaldastyq máselesі sóz boldy.

Aqparat www.akorda.kz saıtynan alynǵan.