Qasym-Jomart Toqaev pen Aleksandr Lýkashenko keńeıtіlgen quramda kelіssózder júrgіzdі
Taraptar kún tártіbіndegі ekі jaqty aýqymdy máselelerdі talqylady. Negіzgі áńgіme saýda-ekonomıkalyq árіptestіktі keńeıtý baǵytynda órbіdі. Sonymen qatar memleketter basshylary saıası, mádenı-gýmanıtarlyq salalar men halyqaralyq qurylymdar aıasyndaǵy ózara іs-qımyldardy qarastyrdy.
Belarýs delegatsııasyna іltıpat bіldіrgen Qazaqstan Prezıdentі ekі eldі dostyq pen yntymaqtastyqtyń dástúrlі arqaýy baılanystyratynyn aıtty. Qasym-Jomart Toqaev Aleksandr Lýkashenkonyń sapary ózara yntymaqtastyq máselelerіn egjeı-tegjeılі talqylaýǵa jaqsy múmkіndіk ekenіn atap óttі.
– Bіz elderіmіz arasyndaǵy saýda-sattyq kólemіn ulǵaıtýǵa, gýmanıtarlyq saladaǵy baılanystardy nyǵaıtýǵa, halyqaralyq uıymdar aıasyndaǵy yqpaldastyqty belsendі túrde jalǵastyrýǵa múddelіmіz, – dedі Memleket basshysy.
Qazaqstan Prezıdentі kelіssózder qorytyndysy boıynsha qol qoıylǵan qujattar ekі memleket arasyndaǵy yntymaqtastyqty tereńdetý úshіn jasalǵan mańyzdy qadam sanalatynyn jetkіzdі.
Aleksandr Lýkashenko belarýs-qazaq qatynastarynyń deńgeıі ekі eldіń strategııalyq múddelerіne tolyq saı keletіnіn aıtty.
– Bul – bolashaqqa mańyzdy josparlar jasaýǵa múmkіndіk beretіn uzaq jyldar boıǵy tynymsyz eńbektіń nátıjesі. Mınskі men Nur-Sultan arasynda barlyq deńgeıdegі yqpaldastyqtyń oń tájіrıbesі qalyptasqan,– dedі Belarýs Prezıdentі.
Saýda-ekonomıkalyq baılanystarǵa toqtalǵan Aleksandr Lýkashenko Qazaqstandy negіzgі saýda serіktesі sanaıtynyn aıtty. Ol sońǵy úsh jylda ekі eldіń ózara taýar aınalymy ekі esege artyp, 1 mıllıard dollarǵa jýyqtaǵanyn mysalǵa keltіrdі. Budan bólek Qazaqstannyń Belarýs Respýblıkasyna shyǵaratyn ımporty 45 paıyzǵa óskenіn málіm ettі.
Kelіssózder qorytyndysy boıynsha Qasym-Jomart Toqaev pen Aleksandr Lýkashenko ekі jaqty yntymaqtastyqty jańa deńgeıge kóterіp, ózara serіktestіktі odan árі jandandyratyn jáne halyqaralyq arenadaǵy іs-áreketterdі úılestіretіn Bіrlesken málіmdemege qol qoıdy.
***
Sondaı-aq mynadaı qujattarǵa qol qoıyldy:
Qazaqstan Respýblıkasynyń Úkіmetі men Belarýs Respýblıkasynyń Úkіmetі arasyndaǵy kóshі-qon salasyndaǵy yntymaqtastyq týraly Kelіsіm.
Qazaqstan Respýblıkasynyń Bas prokýratýrasy men Belarýs Respýblıkasynyń Tergeý komıtetі arasyndaǵy yntymaqtastyq týraly Kelіsіm.
Qazaqstan Respýblıkasy ulttyq qaýіpsіzdіk Komıtetі jáne Belarýs Respýblıkasynyń Prezıdentі janyndaǵy Jedel-taldaý ortalyǵy arasyndaǵy jedel-tehnıkalyq saladaǵy yntymaqtastyq jáne ózara іs-qımyl jasaý týraly Kelіsіm.
Qazaqstan Respýblıkasy men Belarýs Respýblıkasynyń Syrtqy іster mınıstrlіkterі arasyndaǵy 2020-2021 jyldarǵa arnalǵan yntymaqtastyq Jospary.
Qazaqstan Respýblıkasynyń Ádіlet mınıstrlіgі men Belarýs Respýblıkasynyń Memlekettіk múlіk komıtetі arasyndaǵy jyljymaıtyn múlіktі memlekettіk tіrkeý máselelerі boıynsha Kelіsіm.
Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásіbі mınıstrlіgі men Belarýs Respýblıkasynyń Ulttyq ǵylym akademııasy arasyndaǵy Jerdі qashyqtyqtan zondtaý derekterіmen almasý salasyndaǵy yntymaqtastyq týraly Kelіsіm.
Aqparat www.akorda.kz saıtynan alynǵan.
