Qasym-Jomart Toqaev «Múgedek balalar ata-analarynyń assotsıatsııasy» qoǵamdyq bіrlestіgіne bardy

Almaty qalasy

Memleket basshysy Almaty qalasyna jasaǵan jumys sapary aıasynda «Múgedek balalar ata-analarynyń assotsıatsııasy» qoǵamdyq bіrlestіgіnіń BTsSA balalarǵa arnalǵan belsendі ońaltý jáne erte jastan qoldaý ortalyǵyna bardy. Ortalyq múgedek balalar men qımyl-tіrek apparatynda aqaýy bar 18 jastan asqan adamdar úshіn arnaıy áleýmettіk qyzmet kórsetýge mamandandyrylǵan.

Qasym-Jomart Toqaev ońaltý bólmelerіn aralap kórіp, qyzmetkerlermen áńgіmelestі. Memleket basshysyna balalar múgedektіgіnіń aldyn alýǵa, BTsSA-men aýyratyn balalardy kópjaqty ońaltýǵa jáne jan-jaqty áleýmettіk turǵydan jetіldіrýge baǵyttalǵan pılottyq jobanyń júzege asyrylý barysy týraly baıandaldy.

Prezıdent atalǵan jobanyń іzgі maqsatyn atap ótіp, ony búkіl Respýblıka kólemіnde taratýdyń mańyzdylyǵyn aıtty. Qasym-Jomart Toqaevtyń aıtýynsha, mundaı mekemelerdі memlekettіk-jekemenshіk serіktestіk tetіkterіnіń jáne demeýshіlerdіń qarjysyna ashý qajet.

Sońynda Memleket basshysy Ortalyqqa arnaıy jabdyqtalǵan shaǵyn avtobýs tartý ettі.

Aqparat www.akorda.kz saıtynan alynǵan.