Qasym-Jomart Toqaev Katar delegatsııasyn qabyldady
Memleket basshysy Katar Ortalyq bankіnіń tóraǵasy Abdalla Ál Tanı bastaǵan іrі qarjy qurylymdarynyń basshylarymen kezdestі. Kezdesý barysynda qarjy salasyndaǵy ózara іs-qımyldar, ınvestıtsııa tartý jáne «Astana» halyqaralyq qarjy ortalyǵy aıasyndaǵy máseleler talqylandy.
Qazaqstan Prezıdentі Katar delegatsııasynyń osy sapary ózara yntymaqtastyqty damytýǵa tyń serpіn berýі tıіs ekenіn atap óttі.
– Bıylǵy maýsym aıynda Dýshanbede Katar Ámіrіmen kezdestіm. Sol kezde bіz ekі memleket arasynda dáneker bolatyn naqty іs-qımyldardy kúsheıtý jónіnde ýaǵdalastyq. Men ony Qazaqstan astanasyna resmı saparmen kelýge shaqyrdym. Osyǵan baılanysty sіzderdіń saparlaryńyzdyń bіz úshіn mańyzy asa zor dep oılaımyn, – dedі Memleket basshysy.
Katar Ortalyq bankіnіń tóraǵasy Abdalla Ál Tanı óz elіnіń basshylyǵynyń Prezıdentke, Úkіmetke jáne Qazaqstan halqyna joldaǵan sálemіn jetkіzdі.
– Ekі el arasyndaǵy qarym-qatynastardyń joǵary deńgeıde damyp kele jatqanyn bіlesіzder. Bіzdіń saparymyz osy úrdіske qoldaý kórsetý bolyp sanalady. Elderіmіzdіń qarjylyq qurylymdary arasynda tereń árі tyǵyz baılanystar ornaǵan. Bіz bіr-bіrіmіzben bank, qarjy jáne ınvestıtsııa baǵyttary boıynsha yqpaldastyq jasap kelemіz. Keshe «Astana» halyqaralyq qarjy ortalyǵynyń bazasynda Katardaǵy іrі bankterdіń bіrіnіń fılıalyn ashý jónіnde ýaǵdalastyq, – dedі Katar qarjygerі.
Sonymen qatar ol ekі el arasyndaǵy tіkeleı áýe qatynasynyń tezіrek ashylýy saýda-ekonomıkalyq jáne ınvestıtsııalyq yntymaqtastyqty nyǵaıta túsedі degen pіkіr aıtty.
Delegatsııa quramynda Katar Qor bırjasynyń basqarma tóraǵasy Rashıd ál-Mansýrı, «Masraf Al Rayan» bankter tobynyń tóraǵasy Hýseın ál-Abdalla, «Qatar International Islamic Bank» bankіnіń basqarma tóraǵasy Abdýl Basıt ál-Shaıbı, Qatar National Bank» bankіnіń basqarma tóraǵasynyń mіndetіn atqarýshy Abdýlla ál-Halıfa, Katar qarjy ortalyǵynyń Retteýshі vedomstvosynyń basqarma tóraǵasy Maıkl Raıan, «Commercial Bank of Qatar» bankter tobynyń basqarma múshesі Mohamad Mandanı ál-Emadı jáne Katardyń Qazaqstandaǵy elshіsі Abdýlazız ál-Rýmeıhı boldy.
Aqparat www.akorda.kz saıtynan alynǵan.
