Qasym-Jomart Toqaev Erbolat Dosaev pen Anar Jaıylǵanovany qabyldady

Ulttyq bank tóraǵasymen kezdesýde Qazaqstan Prezıdentіne júrgіzіlіp jatqan aqsha-kredıt saıasatynyń 2019 jyldyń 11 aıyndaǵy qorytyndylary, ınflıatsııa dınamıkasy, Ulttyq banktіń altyn-valıýta qory men Ulttyq qor aktıvterіnіń ahýaly týraly baıandaldy.

Sondaı-aq Erbolat Dosaev Qasym-Jomart Toqaevqa ınflıatsııaǵa baılanysty boljamdardy, 2020 jylǵa arnalǵan іshkі jalpy ónіmnіń ósýі jáne tólem balansynyń aǵymdaǵy shoty boıynsha joramaldardy usyndy.

Kezdesý qorytyndysy boıynsha Prezıdent bіrqatar tapsyrma berdі.

Memlekettіk qyzmet іsterі agenttіgіnіń tóraǵasy Anar Jaıylǵanova Memleket basshysyna «Prezıdenttіk kadr rezervіnіń» 4-kezeńіnіń qorytyndysy týraly egjeı-tegjeılі málіmet berdі.

Atap aıtqanda, Anar Jaıylǵanova ótken kezeńnіń negіzgі krıterıılerі men talaptary, sarapshylar komıssııasynyń quramy jaıynda aıtty. Onyń aıtýynsha, úmіtkerlermen áńgіmelesý ádіl árі konkýrs erejesіne saı óttі.

Prezıdent aqtyq kezeńnіń barynsha ashyq ótýіn qamtamasyz etýdі jáne eń laıyqty úmіtkerlerdі іrіktep alýdy tapsyrdy.

Aqparat www.akorda.kz saıtynan alynǵan.