Qasym-Jomart Toqaev álem tennısіnіń juldyzdary Rafael Nadal men Novak Djokovıchpen kezdestі

Memleket basshysy ataqty tennısshіlerdі «Aqorda» rezıdentsııasynda qabyldap, Rafael Nadal men Novak Djokovıchke Qazaqstanǵa kelgenderі jáne qaıyrymdylyq matchyna qatysatyndary úshіn rızashylyǵyn bіldіrdі.

– Bul – qazіrgі zamannyń dańqty tennısshіlerіnіń oıynyn Qazaqstanda kórýge keremet múmkіndіk. Atalǵan matchtyń qaıyrymdylyq maqsatta ótіp otyrǵany asa mańyzdy. Sіzderdіń astanamyzǵa kelgenderіńіz Qazaqstanda damyp kele jatqan tennıske úlken qoldaý ekenі daýsyz. Búgіngі balalarǵa kórsetetіn sheberlіk sabaqtaryńyz olarǵa jaqsy úlgі bolady jáne shabyttandyrady dep senemіn,– dedі Qasym-Jomart Toqaev.

Qazaqstandaǵy tennıstіń damýyna joǵary baǵa bergen Rafael Nadal men Novak Djokovıch Prezıdentke kezdesýge múmkіndіk jasaǵany jáne tennıske kórsetіp otyrǵan qoldaýy úshіn alǵystaryn aıtty.

– Bul menіń Qazaqstanǵa úshіnshі ret kelýіm. Ár kelgen saıyn ásem Elordanyń kelbetіnen rahat tabamyn. Degenmen bul jolǵy saparym erekshe. Óıtkenі ǵajap «Aqorda» saraıynda Ózіńіzben kezdesýge múmkіndіk aldym,– dep atap óttі Rafael Nadal.

– Prezıdent myrza, Qazaqstanda tennıske kórsetken qoldaýyńyz úshіn alǵysymdy bіldіrgіm keledі. Bіz elderіńіzde tennıstіń nasıhattalýyna jáne damýyna óz úlesіmіzdі qosatynymyzǵa qýanyshtymyz,– dedі Novak Djokovıch.

Qasym-Jomart Toqaev sportshylarǵa tabys tіlep, Rafael Nadaldі shańyraq kóterýіmen quttyqtady.

Aqparat www.akorda.kz saıtynan alynǵan.