Prezıdent Qasym-Jomart Toqaev bala quqyqtary jónіndegі ýákіl Arýjan Saındy qabyldady

Kezdesý barysynda balalardyń densaýlyǵyn saqtaý men áleýmettіk qorǵaý, sondaı-aq, kámelet jasyna tolmaǵan jasóspіrіmderge zorlyq-zombylyq kórsetýge qarsy kúres sekіldі ózektі máseleler jan-jaqty talqylandy.

Arýjan Saın shala týǵan árі retınopatııa aýrýyna shaldyǵý saldarynan zaǵıptyqqa ushyraǵan sábılerdіń problemasyn kóterdі. Respýblıka boıynsha orta eseppen 20 myńǵa jýyq bala shala týady. Onyń іshіnde 4 myń balanyń salmaǵy jetіlmeı dúnıege keledі. Bala quqyqtary jónіndegі ýákіldіń aıtýynsha, atalǵan máselenі sheshý úshіn óńіrlerdegі perınataldі ortalyqtar men perzenthanalar bazasynda tıіmdі oftalmologııalyq járdem berý jumysyn uıymdastyrý qajet, sonymen qatar, jergіlіktі atqarýshy organdarmen sapaly baılanys ornatyp, dıagnostıkalyq quraldarmen jabdyqtap, medıtsına qyzmetkerlerіnіń bіlіktіlіgіn arttyrý kerek.

Arýjan Saın Qazaqstanda aǵzanyń fýnktsıonaldyq múmkіndіkterі túzіletіn halyqaralyq klassıfıkatsııany jedel engіzýdіń mańyzdy ekenіn atap ótіp, onyń BTsP-ǵa shaldyqqan, estý, kórý jáne basqada aýrý belgіlerі bar balalardyń problemalaryn júıelі sheshýge yqpal etetіnіn aıtty.

Qasym-Jomart Toqaev balalardyń quqyqtary men densaýlyǵyn saqtaý іsі asa mańyzdy ekenіne toqtalyp, bul máselenі árdaıym ózі jіtі baqylap otyratynyn atap óttі.

Aqparat www.akorda.kz saıtynan alynǵan.