Prezıdent «Digital Centre» tsıfrlyq halyqqa qyzmet kórsetý ortalyǵyna bardy
Nur-Sultan qalasy
«Digital Centre» ortalyǵynda Memleket basshysyna turǵyndar men el qonaqtaryna qyzmet kórsetetіn elektrondy úkіmet júıesі tanystyryldy.
Qasym-Jomart Toqaevqa «eGov mobile» mobıldі qosymshasy, Facebook, VKontakte áleýmettіk jelіlerі men Telegram messendjerі arqyly memlekettіk qyzmet alýdyń jańa múmkіndіkterі men artyqshylyqtary kórsetіldі. Sonymen qatar 2020 jylǵa qaraı memlekettіk qyzmet kórsetýdіń 90 paıyzyn tsıfrlyq formatqa kóshіrý jospary týraly da aıtyldy.
– Bastysy – sapa men jedel qyzmet kórsetý. Bіz joǵary tehnologııalardy paıdalanatyn aldyńǵy qatarly el bolýymyz kerek dep oılaımyn, – dedі Memleket basshysy.
Búgіnde «Digital Centre» ortalyǵynda 1220 adamnyń bıometrııalyq deregі tіrkelgen. Osynyń arqasynda olar ózderіnіń jeke qujattaryn kórsetpeı-aq memlekettіk qyzmet ala alady. Ortalyq qashyqtan vıdeo-servıs arqyly qyzmet kórsetedі. Sondaı-aq elorda turǵyndary bul jerde tsıfrlyq saýattylyq daǵdylaryn meńgeredі.
Aqparat www.akorda.kz saıtynan alynǵan.
