Nursultan Nazarbaevqa Tsýkýba ýnıversıtetіnіń Qurmettі doktory ataǵy berіldі

Tokıo q., Japonııa

Marapattaý rásіmі barysynda Elbasy Tsýkýba ýnıversıtetі ózіnіń tereń tarıhymen tanymal álemdіk deńgeıdegі bіlіm berý jáne zertteý ortalyǵy sanalatyndyǵyn atap óttі.

– Tsýkýba – Nobel syılyǵynyń laýreattary eń kóp shyqqan japon ýnıversıtetterіnіń qatarynda. Sіzdіń ýnıversıtetіńіz qazaqstandyqtar arasynda da úlken suranysqa ıe, bіzdіń 105 stýdentіmіz Tsýkýba dıplomyn aldy. Olardyń kópshіlіgі «Bolashaq» baǵdarlamasynyń stıpendıattary, – dedі Qazaqstannyń Tuńǵysh Prezıdentі.

Nursultan Nazarbaev berіlgen Qurmettі doktor ataǵy búkіl qazaqstandyqtarǵa degen qurmettіń belgіsі ekenіn atap óttі.

– Óz tarapymnan Qazaqstanda árqashan bіlіm berý men jastar saıasatyn damytýǵa úlken mán bergenіmdі atap ótkіm keledі. Elіmіzde bіlіm berý mádenıetі qoǵamnyń ajyramas bólіgіne aınalǵany bіzdі qýantady, – dedі Elbasy.

Sóz sońynda Qazaqstannyń Tuńǵysh Prezıdentі barlyq qatysýshylardy ımperator Narýhıtonyń taqqa otyrýymen jáne Japonııada «Reıva» dáýіrіnіń bastalýymen quttyqtady.

Aqparat www.elbasy.kz saıtynan alynǵan.