Nursultan Nazarbaev Ýkraına Prezıdentі Vladımır Zelenskıımen kezdestі

Tokıo q., Japonııa

Kezdesý barysynda Elbasy Vladımır Zelenskııdі Ýkraınanyń Prezıdent saılaýyndaǵy jeńіsіmen quttyqtady.

– Ýkraınanyń jańalyqtaryn kúndelіktі qadaǵalap otyramyn. Men úshіn sіzdіń elіńіzdіń orny erekshe. Bul kezіnde Ýkraınada ekі jyl oqyǵanym úshіn ǵana emes. Táýelsіzdіktіń alǵashqy kúnderіnen bastap Ýkraına prezıdentterіmen jaqyn tanys boldym, – dedі Qazaqstannyń Tuńǵysh Prezıdentі.

Sonymen bіrge, Nursultan Nazarbaev Ýkraınadaǵy oqıǵalarǵa óz alańdaýshylyǵyn bіldіrdі.

Elbasy Ýkraınanyń ońtústіk-shyǵysyndaǵy qaqtyǵysty beıbіt jolmen sheshýdіń mańyzdylyǵyn atap óttі.

– Sіz saılaýda halyqtyń úlken senіmіne ıe boldyńyz. Josparlaryńyzdy júzege asyrý úshіn barlyq múmkіndіk bar, – dedі Elbasy.

Óz kezegіnde, Vladımır Zelenskıı Ýkraınanyń Qazaqstan Respýblıkasyn keń aýqymdy máseleler boıynsha árdaıym qoldaǵanyn atap óttі.

Kelіssózder barysynda, V.Zelenskıı Qazaqstan Prezıdentі Q.Toqaevpen Nıý-Iork qalasynda kezdeskenіn aıta kele Elbasyny Ýkraınaǵa shaqyrdy.

Sonymen qatar, taraptar ekі el arasyndaǵy saýda-sattyqty arttyryp, qatynastardy nyǵaıtý máselelerіn talqylady.

Aqparat www.elbasy.kz saıtynan alynǵan.