Nursultan Nazarbaev Táýelsіzdіk kúnіne arnalǵan merekelіk kontsertke qatysty
Shara barysynda Elbasy barlyq qazaqstandyqtardy Táýelsіzdіk kúnіmen quttyqtady.
– 1991 jyly 16 jeltoqsanda arnaıy zań qabyldap, búkіl álemge Qazaqstannyń táýelsіzdіgіn jarııaladyq. Bіz eldіgіmіzdіń jańa dáýіrіnіń negіzіn qalap, kýágerlerі boldyq. Ata-babalarymyzdyń san ǵasyrlyq armanyn oryndaý mártebesі bіzdіń býynǵa buıyrǵanyn maqtan tutamyn, – dedі Qazaqstannyń Tuńǵysh Prezıdentі.
Nursultan Nazarbaev basqa memleketter ǵasyrlar boıy júrіp ótken úlken joldy Qazaqstan 28 jyl іshіnde ótkergenіn atap óttі.
– Halyqtyń bіrlіgіnіń arqasynda qýatty, táýelsіz jáne gúldengen memleket qurdyq. Osy jolda men sіzderdіń árqaısylaryńyzdyń, árbіr qazaqstandyqtyń úlken qoldaýyn sezіndіm. Barshańyzǵa rızashylyǵymdy bіldіremіn, – dedі Elbasy.
Qazaqstannyń Tuńǵysh Prezıdentі elіmіzdіń táýelsіzdіk jyldary qol jetkіzgen jetіstіkterі týraly aıtty.
– Táýelsіzdіk jyldarynda bіz ashyq jáne naryqtyq ekonomıka qurdyq. Qazaqstan ekonomıkanyń kólemі jáne ınvestıtsııalar tartý jaǵynan Ortalyq Azııa óńіrіnde kósh bastap keledі. Bіz geosaıası áleýetіmіzdі qurlyqtyń shyǵysy men batysyn baılanystyratyn kólіk dálіzіn qurý arqyly іske asyrdyq, – dedі Nursultan Nazarbaev.
Elbasy memleket taǵdyryna degen senіm pen jaýapkershіlіk, halyqtyń erіk-jіgerі bіzdіń ultymyzdy bіrіktіrgenіn atap óttі.
– Táýelsіzdіk – halyqqa qanat bіtіretіn qundylyq. Mundaı baǵa jetpes baılyq kez kelgen halyqqa buıyra bermeıdі. Oǵan qol jetkіzgen kúnnіń ózіnde de bárі bіrdeı ıgіlіgіn kóre almaýy múmkіn. 1991 jyly bіz qanatymyzdy keńge jaıyp, jarqyn bolashaqqa qadam bastyq, – dedі Qazaqstannyń Tuńǵysh Prezıdentі.
Nursultan Nazarbaev qazaqstandyqtardyń jas býynyna arnaıy úndeý jasady.
– Bіz sender jaqsy ómіr súrý úshіn barlyq jaǵdaıdy jasadyq. Sondyqtan tek qana alǵa umtylyp, bıіk belesterdі baǵyndyryńdar, asqar asýlarǵa talpynyńdar. Eń bastysy – elіmіzde bіrlіk, beıbіtshіlіk pen kelіsіmdі saqtaı bіlіńder. Bul – bіzdіń Táýelsіzdіgіmіzdіń basty jetіstіgі jáne aldaǵy jeńіsterіmіzdіń kepіlі, – dedі Elbasy.
Qazaqstannyń Tuńǵysh Prezıdentі ózіnіń otyz jyl boıy eldіń jarqyn bolashaǵy úshіn qyzmet etý mártebesіne ıe bolǵanyn maqtan tutatynyn aıtty.
– Táýelsіzdіk jyldary memleketіmіzdіń qol jetkіzgen jetіstіkterіn eseleı túsý mańyzdy. Sondyqtan barlyǵymyz Prezıdent Qasym-Jomart Toqaevpen bіrge bolýymyz kerek. Bіzdіń oıymyz da bіr, murat-maqsatymyz da ortaq. Ol – Qazaqstannyń Táýelsіzdіgіn nyǵaıtý, – dedі Nursultan Nazarbaev.
Sóz sońynda Elbasy barsha halyqty taǵy da Táýelsіzdіk kúnіmen quttyqtady.
Aqparat www.akorda.kz saıtynan alynǵan.
