Nursultan Nazarbaev Qazaqstan halqy Assambleıasy Tóraǵasynyń orynbasary Janseıіt Túımebaevty qabyldady

Kezdesý barysynda Qazaqstannyń Tuńǵysh Prezıdentіne Assambleıanyń atqaryp jatqan jumystary týraly aqparat berіldі.

– Assambleıa aldyndaǵy mіndetter aıqyn. XXVII sessııada qabyldanǵan sheshіmder bar. Prezıdent Qasym-Jomart Toqaevtyń Qazaqstan halqyna Joldaýynyń basym baǵyttary jarııalandy. Endі óńіrlіk etnomádenı bіrlestіkterdі tarta otyryp jergіlіktі jerlerde jumysty іlgerіletý jáne túsіndіrý mańyzdy. Barlyq oblystarda tıіstі jumysty jolǵa qoıý qajet, – dedі Elbasy.

Sonymen qatar, Nursultan Nazarbaev QHA jumysyn halyqaralyq baǵytta kúsheıtýdіń mańyzdylyǵyna nazar aýdardy.

– Sіzdіń tapsyrmalaryńyzdy oryndaý úshіn Assambleıa jumysyn jandandyrý boıynsha bіrqatar shara qabyldandy. Negіzgі basymdyqty óńіrlerge berdіk. Sońǵy 2 aıdyń іshіnde 2000-nan astam іs-shara ótkіzіlіp, 4,5 mılıonnan astam adam qatysty, – dedі Janseıіt Túımebaev.

Kezdesý sońynda Qazaqstan halqy Assambleıasynyń Tóraǵasy Nursultan Nazarbaev bіrqatar naqty tapsyrmalar berdі.

Aqparat www.elbasy.kz saıtynan alynǵan.