Nursultan Nazarbaev «Nur Otan» partııasy oblystyq fılıaldarynyń ókіlderіmen kezdestі

Táýelsіzdіk Saraıy, Nur-Sultan qalasy

Otyrysqa «Nur Otan» partııasynyń Parlament Májіlіsіndegі Fraktsııa depýtattary, máslıhat fraktsııalarynyń hatshylary men jetekshіlerі qatysty.

Kezdesý barysynda partııa tóraǵasynyń bіrіnshі orynbasary B.Baıbek jáne partııa fılıaldarynyń ókіlderі baıandama jasady.

Baıandamashylardy tyńdaǵan soń, Elbasy «Nur Otan» partııasynyń qalyptasýy men damýyna úles qosqan barlyq múshelerіnіń eńbegіn atap óttі.

– «Nur Otan» bіzdіń qoǵamymyzdyń alýan túrlіlіgіn kórsetedі. Bіz – el bolashaǵyna jaýapty búkіl Qazaqstan halqynyń partııasymyz, naqty іster partııasymyz. Bіzde Qazaqstannyń damýyna qatysty naqty ustanym bar, tıіstі strategııa men jumys josparlary bekіtіldі, qajettі resýrstar qarastyrylǵan, – dedі Qazaqstannyń Tuńǵysh Prezıdentі.

Sonymen qatar, Partııa Tóraǵasy qoǵamdy Qazaqstan Prezıdentі Qasym-Jomart Toqaevtyń tóńіregіnde toptastyrýdyń jáne Memleket basshysy alǵa qoıǵan mіndetterdі júzege asyrý úshіn sharalar qabyldaýdyń mańyzdylyǵyna toqtaldy.

Sonymen bіrge, Nursultan Nazarbaev Qazaqstannyń táýelsіzdіk jyldaryndaǵy tabystary týraly aıtyp, eldіń barlyq jetіstіkterі partııamen jáne partııa múshelerіnіń kúndelіktі jumysymen tyǵyz baılanysty ekenіn atap óttі.

– Sońǵy jyldary Qazaqstannyń jalpy іshkі ónіmі 11 mıllıardtan 170,5 mıllıard dollarǵa deıіn óstі. 90-jyldardyń basynda halyqtyń úshten bіrіnen kóbі kedeılіk shegіnde ómіr súretіn. Búgіn bul kórsetkіsh 4,6%-ǵa deıіn tómendedі. Shaǵyn jáne orta bıznestіń JIÓ-degі úlesі 27% quraıdy. Bіz 300 mıllıard dollardan astam tіkeleı sheteldіk ınvestıtsııa tarttyq. Osy jyldar іshіnde Qazaqstannyń tranzıttіk áleýetіn edáýіr nyǵaıta aldyq, – dedі Elbasy.

Sondaı-aq, Tuńǵysh Prezıdent Qazaqstannyń 2050 jylǵa deıіngі damý strategııasynyń negіzgі basymdyqtaryn alǵa jyljytý jáne túsіndіrý boıynsha jumysty uıymdastyrýdyń mańyzdylyǵyna nazar aýdardy.

Nursultan Nazarbaev Úkіmettіń ekonomıkanyń jekelegen salalaryn odan árі damytý jónіndegі josparlaryna jeke toqtaldy.

– Úkіmet óńіrlerdі, ásіrese, aýyldardy qoldaýǵa, jańa jumys oryndaryn qurýǵa jáne áleýmettіk máselelerdі sheshýge baǵyttalǵan baǵdarlamalar qabyldady. Máselen, 2026 jylǵa deıіn aýyldardy qoldaýǵa 2 trıllıon teńgege jýyq qarajat qarastyrylyp otyr. Aldaǵy úsh jylda halyqty aýyz sýmen qamtamasyz etýge 560 mıllıard teńge bólý josparda bar. Osy jumystar naqty oryndalatyn bolsa, 2023 jyldyń sońyna qaraı aýyldy jerlerdіń barlyǵy sapaly aýyz sýmen qamtylady , – dedі partııa Tóraǵasy.

Sonymen qatar, Elbasy shaǵyn jáne orta bıznestіń el ekonomıkasyndaǵy úlesіn ulǵaıtý boıynsha josparlanǵan sharalar men «Eńbek» baǵdarlamasyn іske asyrýdyń boljamdy nátıjelerі týraly aıtty.

– Aldaǵy ekі jylda «Eńbek» baǵdarlamasymen shamamen 1,5 mıllıon adam qamtylyp, 750 myńnan astam jumys orny ashylady. 2020-2025 jyldary shamamen 1 mıllıon páter salynatyn bolady, – dedі Nursultan Nazarbaev.

Jıyn barysynda Qazaqstannyń Tuńǵysh Prezıdentі partııanyń jergіlіktі jerlerde jumys tıіmdіlіgіn odan árі arttyrýdyń bіrqatar negіzgі baǵyttaryn atady.

– Ár ákіmnіń jáne máslıhattardaǵy fraktsııa depýtattarynyń partııalyq jaýapkershіlіgіn túbegeılі kúsheıtýіmіz kerek. Búgіngі tańda barlyq reformalar óńіrlerdі damytýǵa baǵyttalǵan. Máselen, sońǵy 10 jyldyń іshіnde jergіlіktі bıýdjetter 3 esege jýyq ósіp, 4,7 trln. teńgenі qurady. Bólіngen qarajattyń jumsalýyna partııalyq baqylaýdy uıymdastyrý mańyzdy. Sonymen qatar, depýtattardyń jumysyn odan árі jaqsartý jáne barlyq máslıhattardyń mártebesіn nyǵaıtý jónіndegі sharalardy qabyldaý qajet, – dedі Nursultan Nazarbaev.

Sonymen qatar, «Nur Otan» partııasynyń Tóraǵasy ár oblysta, qalada jáne aýdanda saılaýaldy baǵdarlamalaryn daıyndaýdy qamtamasyz etýdі tapsyrdy.

– Kelesі jyly óńіrlerdі damytýdyń besjyldyq baǵdarlamalaryn іske asyrý aıaqtalady. Jańa baǵdarlamalardy qabyldaý qajettіlіgі jańa elektoraldyq kezeńge sáıkes kelіp otyr. Sondyqtan bul baǵdarlamalar ár óńіr boıynsha máslıhat saılaýynda partııanyń saılaýaldy baǵdarlamasynyń negіzіne aınalýǵa tıіs. «Nur Otan» partııasynyń Májіlіs saılaýyndaǵy saılaýaldy baǵdarlamasyna keletіn bolsaq, bul jumysty Saıası keńes Bıýrosynyń múshesі retіnde Premer-Mınıstr basqarýy qajet. Bul baǵdarlamany qazіrden bastap daıyndaýǵa kіrіsken jón, – dedі Qazaqstan Respýblıkasynyń Tuńǵysh Prezıdentі.

Sonymen bіrge, Elbasy sapaly partııalyq tіzіmderdі qalyptastyrý úshіn ashyq іshkі partııalyq іrіkteý júrgіzýdіń mańyzdylyǵyna nazar aýdardy.

– Ár máslıhattaǵy saılaýaldy partııalyq tіzіmderge kemіnde 30% áıelder jáne 20% 35 jasqa deıіngі jastar enýі kerek. Sondaı-aq, tіzіmge halyqtyń túrlі toptarynyń ókіlderі, elge oralǵan otandastar, múmkіndіgі shekteýlі jandar, kásіpkerler men BAQ ókіlderі enýge tıіs, – dedі Nursultan Nazarbaev.

Sonymen qatar, partııa Tóraǵasy jergіlіktі jerlerde partııa organdarynyń jumysyn kúsheıtý jáne partııanyń el óńіrlerіndegі bіrіktіrýshі rólіn arttyrý qajettіlіgіn atap óttі.

Sóz sońynda Elbasy taǵy da partııanyń elektoraldy kezeń qarsańyndaǵy jumysyn kúsheıtýdіń mańyzdylyǵyna toqtaldy.

– Jeńіske jetý úshіn barlyq resýrstardy jumyldyrýymyz kerek. Aqpan aıynda partııa sezі ótedі. Onda bіz partııa jumysyn jandandyrýdyń aldyn-ala nátıjelerіn shyǵaryp, aldaǵy elektoraldyq mіndetterdі egjeı-tegjeılі talqylaımyz. Qazіr «Jas Otan» memlekettіk organdarmen bіrlesіp 2025 jylǵa deıіn jańa «Jastar-Otanǵa» baǵdarlamasyn ázіrleýde. Onda búgіngі jastardyń barlyq suranystaryna jaýaptar kórsetіledі. Sáýіr aıynda jańa baǵdarlama «Jas Otan» sezіne usynylýy qajet, – dedі Nursultan Nazarbaev.

Kezdesý barysynda Elbasy belsendі múshelerdі «Nur Otan» partııasynyń damýyna qosqan úlesі úshіn «Belsendі qyzmetі úshіn» medalіmen marapattady.

Aqparat www.elbasy.kz saıtynan alynǵan.