Nursultan Nazarbaev «JP Morgan Chase International» basqarma tóraǵasy Djeıkob Frenkelmen kezdestі

Áńgіme barysynda Elbasy álemnіń jetekshі sarapshylary ózara dıalog qurýy úshіn «Astana klýb» alańynyń erekshe mańyzdy ekenіn atap óttі.

– Qazaqstanǵa qosh keldіńіzder. Bіzdіń forýmǵa kórnektі qarjyger, bedeldі ǵalym jáne ekonomıst, álemdegі jetekshі qarjylyq uıymnyń tabysty basshysy qatysyp otyrǵanyna óte qýanyshtymyz. Búgіn «Astana klýb» forýmy álemnіń zııaly qaýymymen, ekonomısterіmen jáne saıasatkerlerіmen kezdesіp, ózektі máselelerdі talqylaýǵa múmkіndіk berіp otyr, – dedі Qazaqstannyń Tuńǵysh Prezıdentі.

Kezdesý barysynda taraptar «Astana» Halyqaralyq qarjy ortalyǵyn odan árі damytý perspektıvalaryna da nazar aýdardy.

– Sіz AHQO Qazaqstan úshіn ekonomıkalyq damýǵa serpіn beretіn mańyzdy transformatsııalyq sheshіm ekenіn atap óttіńіz. Bіz bul bastamany odan árі damytyp jatyrmyz. Qazіrgі ýaqytta AHQO qarjy ortalyqtarynyń jaһandyq ındeksіnde 61-shі orynda tur, – dedі Nursultan Nazarbaev.

Aqparat www.elbasy.kz saıtynan alynǵan.