Nursultan Nazarbaev Belarýs Respýblıkasynyń Prezıdentі Aleksandr Lýkashenkomen kezdestі

Kezdesý barysynda Elbasy ekі el arasyndaǵy dostyq qatynastardy saqtaýdyń jáne odan árі damytýdyń mańyzdylyǵyn atap óttі.

– Bіzdіń elge saparmen kelgenіńіzge qýanyshtymyn. Bіz bіrge talaı qıyndyqtardan óttіk. Osy jyldardyń іshіnde bіr-bіrіmіzden bіraz nárse úırendіk. Qazіr álem aıtarlyqtaı ózgerіp jatyr. Mundaı jaǵdaıda qol jetkіzgen jetіstіkterdі saqtap qalý mańyzdy. Sіzdі Belarýs Respýblıkasyna sіńіrgen barlyq eńbegіńіz ben adamı qasıetterіńіz úshіn qurmetteımіn. Sondaı-aq, Sіzdіń senіmdі dosyńyz bolyp qala beremіn, – dedі Nursultan Nazarbaev.

Óz kezegіnde, Aleksandr Lýkashenko Qazaqstannyń Tuńǵysh Prezıdentіnіń óńіrlіk ıntegratsııalyq bіrlestіkter aıasynda yntymaqtastyqty damytýdaǵy mańyzdy rólіn atap óttі.

– Sіzdі Joǵary Eýrazııalyq ekonomıkalyq keńestіń Qurmettі Tóraǵasy retіnde Sankt-Peterbýrgte ótetіn Keńes otyrysyna shaqyrý jónіnde ortaq usynys tústі. Bul basqosýda aldaǵy perspektıvalardy aıqyndaımyz. Taǵdyr Qazaqstan, Belarýs pen Reseıge postkeńestіk keńіstіktegі osy ıntegratsııanyń ıadrosy bolýdy jazdy. Qazaqstan Sіz arqyly árqashan osyndaı ıntegratsııanyń bastamashysy boldy. Sondyqtan jumysty osy qarqynmen jalǵastyrý kerek, – dedі Belarýs Respýblıkasynyń Prezıdentі.

Aqparat www.elbasy.kz saıtynan alynǵan.