Memleket basshysy Ulttyq qoǵamdyq senіm keńesіnіń múshelerіmen kezdesý ótkіzdі

Almaty qalasy

Qasym-Jomart Toqaev Almatydaǵy rezıdentsııasynda Ulttyq qoǵamdyq senіm keńesіnіń múshelerіmen bіrqatar kezdesýler ótkіzdі.

«Adam quqyqtary hartııasy» qoǵamdyq qorynyń atqarýshy dırektory Jemіs Turmaǵambetovamen kezdesý barysynda azamattyq qoǵamnyń perspektıvalary jáne quqyq qorǵaý uıymdarynyń memlekettіk organdarmen ózara yqpaldastyq máselelerі talqylandy.

Áleýmettanýshy, «Strategııa» áleýmettіk jáne saıası zertteýler ortalyǵy» qoǵamdyq qorynyń basshysy Gúlmıra Ileýova «Halyqtyń únіne qulaq asatyn memleket» tujyrymdamasyn damytý jónіndegі oı-pіkіrіmen bólіstі. Atap aıtqanda, ol atalǵan tujyrymdamany júzege asyrýda áleýmettіk zertteýlerdіń atqaratyn rólі týraly aıtty.

Sonymen qatar kezdesýde Qoǵamdyq keńester ınstıtýtynyń jumysy, joǵary oqý oryndaryna avtonomııa berý, medıtsınalyq saqtandyrý júıesіn engіzý jónіndegі usynystar qarastyryldy.

Almaty joǵary basqarý mektebіnіń jáne «Aspandaý» ǵylymı-bіlіm berý qorynyń prezıdentі Qanat Nurov áleýmettіk-ekonomıkalyq saıasat júrgіzý, jekemenshіk ınstıtýttar men qor naryǵyn damytý máselelerіn qozǵady.

Aqparat www.akorda.kz saıtynan alynǵan.