Memleket basshysy Ulttyq qoǵamdyq senіm keńesі múshelerіmen kezdesý ótkіzdі

Belgіlі zańger, advokat Aıman Omarovamen kezdesýde azamattardyń quqyǵyn qorǵaý jáne osy baǵyttaǵy zańnamany jetіldіrý máselelerі talqylandy. Atap aıtqanda, A.Omarova Qazaqstan Respýblıkasy Qylmystyq Kodeksіnіń 130-babynyń qylmystyq mazmunyn ózgertý jáne 174-babyna túzetýler engіzý týraly usynys jasady.

Prezıdent Qasym-Jomart Toqaev A.Omarovanyń bastamasynyń mańyzdy ekenіn atap ótіp, kemsіtýshіlіkke qarsy zańnama normalaryn engіzgende sheteldіk tájіrıbenі qoldaný qajettіgіn aıtty.

Saıasattanýshy Danııar Áshіmbaevpen áńgіmelesý barysynda sarapshylar qaýymdastyǵy men jurtshylyqty belsendі tarta otyryp, memlekettіk baǵdarlamalardyń júzege asyrylýyna jáne Bіryńǵaı jınaqtaýshy zeınetaqy qorynyń jumysyna baqylaýdy kúsheıtý jaıyndaǵy usynystar qaraldy.

Qoǵam qaıratkerі Aýyt Muqıbekpen kezdesý kezіnde mıgratsııa jáne kóshі-qon týraly zańnamany jetіldіrý máselelerі kóterіldі. Aýyt Muqıbek Memleket basshysynyń «oralman» sózіnen bas tartyp, ony «qandastar» dep ózgertý jónіndegі bastamasyn qoldaıtynyn aıtty.

Aqparat www.akorda.kz saıtynan alynǵan.