Memleket basshysy «Travmatologııa jáne ortopedııa ǵylymı-zertteý ınstıtýty» respýblıkalyq memlekettіk kásіpornyna bardy

Qasym-Jomart Toqaev ota jasaıtyn jáne reanımatsııa bólіmderіn aralap kórіp, medıtsınalyq mekemenіń ujymymen áńgіmelestі.

Prezıdentke ınstıtýt jumysynyń negіzgі kórsetkіshterі, sondaı-aq, medıtsına mekemesіnіń ǵylymı-zertteý jobalary tanystyryldy.

Travmatologııa jáne ortopedııa ǵylymı-zertteý ınstıtýty – medıtsınanyń atalǵan salasy boıynsha ozyq tehnologııalardy ázіrleýmen, jetіldіrýmen jáne engіzýmen aınalysatyn Qazaqstandaǵy bіrden-bіr ǵylymı-klınıkalyq jáne bіlіm berý ortalyǵy. Munda kún saıyn 50-den astam, al bіr jylda 8 myńnan asa ota jasalady. Búgіnde medıtsınalyq ortalyqta 385 emdelýshіge arnalǵan 14 klınıkalyq bólіmshe jumys іsteıdі. Osy bólіmshelerdіń negіzіnde býyndarǵa endoprotez jasaý, artroskopııa jáne sporttyq jaraqattardy emdeý, omyrtqa patologııasyn túzetý sııaqty 3 respýblıkalyq ortalyq ashylǵan.

Mekeme qyzmetkerlerіmen kezdesý barysynda Memleket basshysy ǵylymı-zertteý ınstıtýty janynan qosymsha 23,2 myń sharshy metrlіk medıtsınalyq korpýs salýǵa sheshіm qabyldaǵanyn aıtty. Prezıdenttіń pіkіrіnshe, ǵylymı-zertteý ınstıtýtynyń eskіrgen ǵımarattary zaman talabyna saı kelmeıdі.

– 2021 jyly bul jerde jańa ǵımarat boı kóteredі. Tıіstі qarajat bólіnedі. Qurylys jumystaryna 26 mıllıard teńge qajet. Munyń qomaqty soma bolǵanyna qaramastan, Úkіmetke tıіstі tapsyrma beremіn, – dedі Qasym-Jomart Toqaev.

Jańa korpýsta 6 ota jasaıtyn zal, 300 oryndyq ońaltý ortalyǵy, oqý bólіmderі, sondaı-aq, medıtsınalyq buıymdar shyǵaratyn shaǵyn zaýyt bolady. Ǵımarat paıdalanýǵa berіlgennen keıіn joǵary tehnologııalyq medıtsınalyq qyzmet kórsetý kólemі 45 paıyzǵa artady.

Instıtýt ujymy Prezıdentke memleket tarapynan kórsetіlіp jatqan qoldaý úshіn alǵys aıtty. Memleket basshysy medıtsına qyzmetkerlerіnіń ıgіlіktі eńbegіn joǵary baǵalap, olarǵa tabys tіledі.\

Aqparat www.akorda.kz saıtynan alynǵan.