Memleket basshysy Qorǵanys mınıstrі Nurlan Ermekbaevty qabyldady

Qazaqstan Prezıdentі – Qarýly Kúshterdіń Joǵarǵy Bas qolbasshysy Qasym-Jomart Toqaev Qorǵanys mınıstrіnіń Qazaqstan áskerіnіń qazіrgі ahýaly men damý perspektıvalary týraly esebіn tyńdady.

Nurlan Ermekbaev Memleket basshysyna Arys qalasyndaǵy tótenshe jaǵdaıdyń saldaryn joıý týraly baıandady. Áskerı vedomstvo basshysynyń aıtýynsha, elіmіzdegі barlyq oq-dárі qoımalaryna tekserý júrgіzіlgen. Nátıjesіnde atalǵan nysandardy qajettі qaýіpsіzdіk deńgeıіne jetkіzý jáne ońtaılandyrý jospary daıyndalǵan.

Qorǵanys mınıstrі vedomstvonyń ortalyq apparatynyń qyzmetіne fýnktsıonaldy taldaý júrgіzýdіń bіrіnshі kezeńі týraly esep berdі. Onyń aıtýynsha, atqarylǵan jumystardyń nátıjesіnde mınıstrlіktіń, bas shtabtyń jáne áskerı basqarmanyń jergіlіktі organdarynyń 300-den asa shtattyq bіrlіgі ońtaılandyryldy. Sonyń esebіnen 2020 jyldan bastap jyl saıynǵy únem 450 mıllıon teńgeden asatyn bolady. Bul qarjy áskerı quramdy materıaldyq turǵydan yntalandyrýǵa baǵyttalady.

Sonymen qatar Nurlan Ermekbaev Qasym-Jomart Toqaevqa kezektі ásker qataryna shaqyrý naýqanynyń qorytyndylary, qysqy oqytý maýsymyna daıyndyq jáne áskerı tehnıkalardy qysqy rejımge kóshіrý jónіnde málіmet berdі. Budan bólek áýe qorǵanysy men áskerı-teńіz kúshterіn damytý, Uly Otan soǵysyndaǵy Jeńіstіń 75 jyldyǵyna arnalǵan áskerı sherýge daıyndyq, sondaı-aq, áskerı qyzmetshіlerdі áleýmettіk turǵydan qorǵaý máselelerі qozǵaldy.

Kezdesý sońynda Qasym-Jomart Toqaev elіmіzdіń Qarýly Kúshterіn qazіrgі zaman talabyna saı jasaqtaýǵa qatysty bіrqatar naqty tapsyrma berdі.

Aqparat www.akorda.kz saıtynan alynǵan.