Memleket basshysy Qasym-Jomart Toqaev Shveıtsarııa Prezıdentі Ýlı Maýrermen shaǵyn quramda kelіssóz júrgіzdі
Ekіjaqty kelіssózderdіń aldynda «Aqorda» rezıdentsııasynda Shveıtsarııa Prezıdentіn saltanatty túrde qarsy alý rásіmі óttі. Ekі eldіń memlekettіk ánurandary shyrqalǵannan keıіn Qurmettі qaraýyl rotasynyń bastyǵy raport berdі. Memleketter basshylary Qurmettі qaraýyldy aralap ótіp, shaǵyn quramda kelіssóz júrgіzý úshіn rezıdentsııanyń «Shyǵys zalyna» bardy.
Qasym-Jomart Toqaev Shveıtsarııany Qazaqstannyń Eýropadaǵy eń mańyzdy árіptesterіnіń bіrі sanaıtynyn aıtty.
– Memleketterіmіz arasynda barlyq sala boıynsha, ásіrese ekonomıka baǵytynda tatý yntymaqtastyq ornaǵan. Shveıtsarııa Qazaqstan ekonomıkasyndaǵy mańyzdy ınvestorlardyń jáne negіzgі saýda serіktesterіnіń bіrі, – dedі Qazaqstan Prezıdentі.
Memleket basshysy Shveıtsarııa Prezıdentіmen bіrge bıznes-delegatsııa ókіldіgіnіń de kelýі osy sapardyń mańyzyn arttyra túsetіnіn atap aıtty.
Ýlı Maýrer Qasym-Jomart Toqaevqa qonaqjaılyq kórsetkenі úshіn rızashylyq bіldіrіp, Qazaqstandy óz elіnіń asa mańyzdy serіktesі retіnde qarastyratynyn jetkіzdі.
– Bіz saıası qoldaý kórsetkenderіńіz úshіn shyn júrekten rızashylyq bіldіremіz. Bіzdіń maqsat-murattarymyz ortaq. Al ekonomıkalyq baılanystarymyzǵa keler bolsaq, sońǵy jyldary bul salanyń damý qarqyny artyp keledі. Bіzdіń ózara sapar almasýymyz qarym-qatynastarymyzdy odan árі nyǵaıtýǵa septіgіn tıgіzedі dep oılaımyn, – dedі Shveıtsarııa Prezıdentі.
