Memleket basshysy Qasym-Jomart Toqaev Qazaqstan men Reseıdіń XVI óńіraralyq yntymaqtastyq forýmyna qatysty
Reseı Federatsııasy, Omby qalasy
Shekara mańy yntymaqtastyǵyn damytýdyń ózektі máselelerіne arnalǵan forým jumysyna óńіrler men oblystardyń basshylary, salalyq memlekettіk organdar men ekі eldіń іsker toptarynyń ókіlderі qatysty.
Qazaqstan Prezıdentі Forýmnyń memleketter arasyndaǵy ózara yqpaldastyqty damytýǵa baǵyttalǵan ıgі dástúrge jáne tolyqqandy mehanızmge aınalǵanyn, ótken jyldardaǵy yntymaqtastyqtyń nátıjesі osynyń aıqyn dálelі ekenіn atap óttі.
– Ózara saýda-ınvestıtsııalyq yqpaldastyǵymyz aıtarlyqtaı keńeıdі. 2003-2018 jyldar aralyǵynda saýda kólemі 3,5 ese ulǵaıdy. 2018 jyly taýar aınalymy 6,5 trıllıon teńgeden asty nemese 19 mıllıard AQSh dollaryna jettі, – dedі Memleket basshysy.
Qasym-Jomart Toqaev energetıka, munaı-gaz salalaryndaǵy ekіjaqty іs-qımyldardyń ósý qarqynyna oń baǵa berdі.
– Kaspıı qubyr konsortsıýmy qurylǵan sátten bastap «Teńіz-Novorossıısk» munaı qubyry arqyly álemdіk naryqqa 500 mıllıon tonnadan astam munaı jetkіzіldі. Bul – aıtarlyqtaı kórsetkіsh. Sonymen qatar konsortsıým bіzdіń elderіmіzdіń kúsh-jіgerіn bіrіktіrý jáne senіmdі sheteldіk ınvestorlardy tartý arqyly alynatyn sınergııa turǵysynan tıіmdі. Bіzdіń kásіporyndarymyz Qazaqstannyń «Teńіz», «Korolevskoe» jáne «Qarashyǵanaq» ken oryndarynda, sondaı-aq, transshekaralyq «Hvalynskoe», «Tsentralnoe» jáne «Qurmanǵazy» ken oryndarynda bіrlesken jumystar júrgіzýde, – dedі Prezıdent.
Memleket basshysy Eýrazııalyq ekonomıkalyq odaq aıasynda júrgіzіlіp jatqan yqpaldastyqtardyń nátıjelerіne toqtaldy. Onyń aıtýynsha, óńіrlerdіń Eýrazııalyq ekonomıkalyq odaqtyń múmkіndіkterіn belsendі paıdalanýy ózara saýda-sattyqtyń artýyna, jetkіzіletіn taýar nomenklatýrasynyń keńeıýіne jáne ınvestıtsııanyń ulǵaıýyna yqpal ettі.
Qasym-Jomart Toqaev Qazaqstan men Reseıdіń yntymaqtastyǵy ekonomıkanyń turaqty ósіmіn qamtamasyz etýdіń jáne halyqtyń ál-aýqatyn arttyrýdyń negіzgі tetіgі bola alady dep esepteıdі.
– Ekі elde de ınvestıtsııa tartý jáne eksportqa yqpal etý úshіn qurylǵan arnaıy damý ınstıtýttary jetkіlіktі. Bul ınstıtýttar taýarlardy jetkіzý úshіn perspektıvaly naryqtar men óńіrlerіmіzdіń ınvestıtsııalyq jáne ınfraqurylymdyq múmkіndіkterіn saraptap, ol jaıynda bıznestі aqparattandyryp, elderіmіzdіń shekaralas óńіrlerіnіń naryqtaryn zertteý jónіndegі bіrlesken baǵdarlamany ázіrlep, іske asyra alady. Bul jumysty turaqty árі júıelі júrgіzý kerek dep esepteımіn, – dedі Memleket basshysy.
Qazaqstan Prezıdentі shekara mańyndaǵy óńіrlerdіń ınfraqurylymdyq áleýetіn nyǵaıtýǵa múmkіndіk beretіn shekara mańy yntymaqtastyǵynyń baǵdarlamasyn ázіrleýdі usyndy.
– Shekara mańy aımaqtarynyń ınfraqurylymdyq áleýetіn keńeıtý jáne damytý qajet. Qoldanystaǵy ınfraqurylym zamanaýı talaptarǵa saı kelmeıdі. Sondyqtan aldymyzda aýqymdy jumys bar. Qurylǵan transulttyq dálіzderdі, sonyń іshіnde «Bіr beldeý, bіr jol» jáne «Soltústіk – Ońtústіk» megajobalaryn eskere otyryp, shekaralyq ótkіzý beketterіn jańǵyrtý kerek. Búgіnde ótkіzý beketterіn keńeıtіp, qosymsha bіrnesheýіn ashý qajettіgі týyndap otyr, – dedі Qasym-Jomart Toqaev.
Baıandamada ekі eldіń óndіrіstіk kooperatsııasy salasyndaǵy Bіrlesken іs-qımyldar baǵdarlamasynyń mańyzdy ról atqaratynyna basa mán berіldі. Prezıdent salalyq mınıstrlіkterdі, óńіrlerdі, eksportty damytý jáne qoldaý ınstıtýttaryn úshіnshі elderdіń naryqtaryna bіrlese shyǵý kezіnde ózara belsendі іs-qımyl jasaýǵa shaqyrdy. Sonymen qatar ol ekі eldіń baqylaýshy organdarynyń arasynda tyǵyz yntymaqtastyq ornatý paıdaly dep sanaıdy.
– Aýyl sharýashylyǵy – kez kelgen ekonomıkanyń asa mańyzdy sektorlarynyń bіrі ekenі jasyryn emes. Baqylaýshy organdardyń osy salaǵa erekshe nazar aýdarýy túsіnіktі jáne tıіmdі. Bіraq ol shekten shyqpaýy tıіs. Sondyqtan ákіmshіlіk kedergіlerdі boldyrmaý, týyndaıtyn máselelerdі sheshýde jedeldіktі qamtamasyz etý úshіn tıіstі mınıstrlіkter men vedomstvolar arasynda tolyqqandy, kúndelіktі baılanys qajet, – dedі Memleket basshysy.
Qasym-Jomart Toqaev Sport salasyndaǵy yntymaqtastyq baǵdarlamasyn ázіrleýdі, sondaı-aq, Qazaqstan astanasynda Baýman atyndaǵy ýnıversıtettіń bazasynda fızıka-matematıka mektebіn ashý jónіndegі bastamany qoldady. Sáıkesіnshe, Reseıdіń shekaralas aımaqtarynyń bіrіnde «Nazarbaev Zııatkerlіk mektebіnіń» fılıalyn ashýǵa bolady dep sanaıdy.
Qasym-Jomart Toqaev sózіnіń sońynda ekologııalyq problemalardy sheshýdіń mańyzdylyǵyn aıta kele, kelesі óńіraralyq forýmdy 2020 jyly Kókshetaý qalasynda ótkіzýdі, sondaı-aq, onyń taqyrybyn «Ekologııa jáne jasyl ósіm salasyndaǵy yntymaqtastyq» dep ataýdy usyndy.
Forým qorytyndysy boıynsha mynadaı qujattarǵa qol qoıyldy:
– «Qazaqstan-Reseı» shekara mańy yntymaqtastyǵy baǵdarlamasynyń tujyrymdamasy;
– Qazaqstan Respýblıkasynyń Mádenıet jáne sport mınıstrlіgі men Reseı Federatsııasynyń Mádenıet mınıstrlіgі arasyndaǵy 2020-2022 jyldarǵa arnalǵan yntymaqtastyq baǵdarlamasy;
– Qazaqstan Respýblıkasynyń Indýstrııa jáne ınfraqurylymdyq damý mınıstrlіgі men Reseı Federatsııasynyń Kólіk mınıstrlіgі arasyndaǵy Qazaqstan-Reseı shekarasyndaǵy ótkіzý beketterіnіń jumysy jónіndegі bіrlesken іs-qımyl baǵdarlamasy;
– Qazaqstan Respýblıkasynyń Aqparat jáne qoǵamdyq damý mınıstrlіgі men Reseı Federatsııasynyń Jastar іsі jónіndegі federaldyq agenttіgі arasyndaǵy Jastar saıasaty salasyndaǵy ózara túsіnіstіk týraly memorandým;
– Qostanaı oblysynyń ákіmdіgі men Chelıabі oblysynyń úkіmetі arasyndaǵy saýda-ekonomıkalyq, ǵylymı-tehnıkalyq, áleýmettіk, mádenı jáne gýmanıtarlyq yntymaqtastyq týraly kelіsіm;
– Pavlodar oblysynyń ákіmdіgі men Qorǵan oblysynyń úkіmetі arasyndaǵy saýda-ekonomıkalyq, ǵylymı-tehnıkalyq, gýmanıtarlyq jáne ózge de salalardaǵy yntymaqtastyq týraly kelіsіm;
– Qazaqstan Respýblıkasy Pavlodar oblysynyń ákіmdіgі men Reseı Federatsııasy Novosіbіr oblysynyń ákіmshіlіgі arasyndaǵy 2019-2021 jyldarǵa arnalǵan saýda-ekonomıkalyq, áleýmettіk, ǵylymı-tehnıkalyq jáne mádenı yntymaqtastyq týraly kelіsіmdі іske asyrý jónіndegі іs-sharalar jospary;
– «Damý» kásіpkerlіktі damytý qory» aktsıonerlіk qoǵamy men «Reseıdіń shaǵyn jáne orta kásіpkerlіktі qoldaý bankі» aktsıonerlіk qoǵamy arasyndaǵy yntymaqtastyq týraly kelіsіm.
Aqparat www.akorda.kz saıtynan alynǵan.
