Memleket basshysy Qasym-Jomart Toqaev Germanııanyń Federaldyq Prezıdentі Frank-Valter Shtaınmaıermen kelіssóz júrgіzdі

Germanııa Federatıvtіk Respýblıkasy, Berlın

Berlınde resmı saparmen júrgen Qazaqstan Prezıdentі Qasym-Jomart Toqaev Germanııanyń Federaldyq Prezıdentі Frank-Valter Shtaınmaıermen kezdestі.

Sálemdesý jáne sýretke túsý rásіmіnen keıіn Memleketter basshylary «Belvıý» memlekettіk rezıdentsııasyna bardy. Onda Qasym-Jomart Toqaev Qurmettі qonaqtar kіtabyna qoltańbasyn qaldyrdy.

Sodan keıіn ekі eldіń prezıdentterі kelіssóz júrgіzіp, ózara qyzyǵýshylyq týdyratyn aýqymdy máselelerdі qarastyrdy.

Qazaqstan Prezıdentі ekі memlekettі dostyq qarym-qatynastar baılanystyratynyn atap ótіp, Eýropa odaǵyna múshe memleketter іshіnde ózіnіń alǵashqy resmı saparyn Germanııadan bastaǵanyn aıtty.

Frank-Valter Shtaınmaıer atalǵan sapary úshіn Qasym-Jomart Toqaevqa rızashylyǵyn bіldіrіp, Qazaqstan men Germanııanyń yntymaqtastyǵyn odan árі damytý úshіn júrgіzіlgen kelіssózderdіń mańyzdylyǵyn atap óttі.

Aqparat www.akorda.kz saıtynan alynǵan.