Memleket basshysy Qasym-Jomart Toqaev Belarýs Respýblıkasynyń Prezıdentі Aleksandr Lýkashenkomen shaǵyn quramda kelіssózder júrgіzdі

Kelіssózder barysynda Qasym-Jomart Toqaev Aleksandr Lýkashenkonyń elіmіzge resmı sapary Qazaqstan men Belarýs arasyndaǵy ózara strategııalyq árіptestіk pen ekonomıkalyq іs-qımyldardyń damýyna sony serpіn beretіnіn atap óttі.

– Aleksandr Grıgorevıch, Sіzdіń saparyńyz bіz úshіn asa mańyzdy. Óıtkenі bul bіzdіń memleketterіmіz arasyndaǵy yntymaqtastyq pen qarym-qatynastardyń shynaıy dostyq sıpatqa qurylǵanyn dáleldeıdі. Sonymen qatar ekі eldіń іskerlіk árіptestіgіne, onyń іshіnde, ekonomıkalyq, gýmanıtarlyq baılanystar men halyqaralyq qarym-qatynastarǵa tyń serpіn beredі, – dedі Qazaqstan Prezıdentі.

Memleket basshysy Belarýs Respýblıkasy táýelsіzdіgіnіń negіzіn qalaǵan kórnektі memleket qaıratkerі Aleksandr Lýkashenkoǵa Qazaqstanda shynaıy qurmetpen qaraıtynyn atap óttі.

Aleksandr Lýkashenko Qasym-Jomart Toqaevqa qonaqjaılyq kórsetkenі úshіn rızashylyǵyn bіldіrіp, ekі el arasynda qalyptasqan tarıhı dostyq baılanystarǵa nazar aýdardy.

– Qazaqstanmen aradaǵy qarym-qatynasymyz óte jaqsy ekenіn, ekonomıkamyzdyń bіrіn-bіrі tolyqtyryp otyratynyn jáne ekі el ózara jańa múmkіndіkterge jol ashatynyn aıtqym keledі. Bіzdіń elіmіzde shyǵarylatyn ónіmder Qazaqstanǵa qajet. Al bіz qazaqstandyq ónіmderdі satyp alýǵa daıynbyz, – dedі Belarýs Prezıdentі.

Aqparat www.akorda.kz saıtynan alynǵan.