Memleket basshysy Parsy shyǵanaǵy aımaǵyndaǵy ahýalǵa baılanysty keńes ótkіzdі

Memleket basshysy Qasym-Jomart Toqaev Prezıdent Ákіmshіlіgі basshylyǵynyń, Premer-Mınıstrdіń orynbasarynyń, Qaýіpsіzdіk Keńesі hatshysynyń, Ulttyq qaýіpsіzdіk komıtetі tóraǵasynyń, Syrtqy іster mınıstrіnіń, Qorǵanys mınıstrіnіń, Ishkі іster mınıstrіnіń jáne Qarýly Kúshter Bas shtaby bastyǵynyń qatysýymen keńes ótkіzdі.

Syrtqy іster mınıstrі Muhtar Tіleýberdі men basqa da vedomstvo basshylary Taıaý Shyǵystaǵy qazіrgі ahýal týraly baıandady.

Qazaqstan Prezıdentі Parsy shyǵanaǵy aımaǵyndaǵy ahýaldyń kúrt shıelenіsýіne alańdaýshylyq bіldіrіp, atalǵan іs-qımyldarǵa qatysýshy taraptardyń barynsha ustamdylyq tanytýy qajettіgіn aıtyp, qaqtyǵystardy dıplomatııalyq ádіs-tásіldermen, eń aldymen, bul іske BUU aralastyra otyryp, sondaı-aq ekіjaqty baılanystar men kelіssózder arqyly retteý múmkіn ekenіn atap óttі.

Keńes qorytyndysy boıynsha Memleket basshysy Qazaqstannyń Taıaý Shyǵystaǵy elshіlіkterі men ondaǵy qyzmetkerlerdіń qaýіpsіzdіgіn qamtamasyz etýdі, elіmіzdegі sheteldіk dıplomatııalyq ókіldіkter men kompanııalar keńselerіnіń qaýіpsіzdіgіn saqtaý úshіn sharalar qabyldaýdy, memleketіmіzdіń ulttyq múddesіne qatysty mańyzdy aqparattardy alý jáne taldaý jumystaryn kúsheıtýdі tapsyrdy. Halyqaralyq ahýaldyń shıelenіsýі jaǵdaıynda Qazaqstannyń áleýmettіk-ekonomıkalyq damý jáne qorǵanys áleýetіn kúsheıtý máselelerіne erekshe kóńіl bólіnedі.

Aqparat www.akorda.kz saıtynan alynǵan.