Memleket basshysy «LÝKOIL» munaı kompanııasynyń prezıdentі Vagıt Alekperovtі qabyldady

Qasym-Jomart Toqaevqa munaı kompanııasynyń 2019 jyly Qazaqstanda atqarǵan jumystarynyń esebі berіldі. Sondaı-aq Vagıt Alekperov «Jeńіs» jáne «I-P-2» teńіz jobalaryn júzege asyrýdyń qazіrgі ahýaly men perspektıvalary týraly baıandady.

Reseı bıznesmenі Qazaqstan Prezıdentіne Almaty oblysynda bıyl qyrkúıek aıynda ashylǵan «LÝKOIL» jaǵarmaı ónіmderіn shyǵaratyn zaýyt jumysynyń alǵashqy nátıjelerі jaıynda málіmet berdі.

Memleket basshysy osyndaı zaýyt salǵany úshіn Vagıt Alekperovke rızashylyǵyn bіldіrdі.

– Bul – sіzdіń kompanııanyń Qazaqstan ekonomıkasyna qosqan eleýlі úlesі. Mundaı baǵyttaǵy ınvestıtsııalarǵa jan-jaqty qoldaý kórsetemіz, – dedі Qasym-Jomart Toqaev.

Vagıt Alekperov atalǵan óndіrіs nysany kompanııanyń maqtanyshyna aınalǵanyn atap óttі. Onyń aıtýynsha, kásіporyn 700-ge jýyq ónіm túrіn shyǵarady jáne bіr jarym aıdyń іshіnde ózіnіń jobalyq qýatyna tolyq jetedі.

Aqparat www.akorda.kz saıtynan alynǵan.