Memleket basshysy Jastar jylynyń jabylý jáne Volonter jylynyń bastalý saltanatyna qatysty

Nur-Sultan qalasy, EKSPO іskerlіk ortalyǵy

Memleket basshysy óz sózіnde Táýelsіzdіk kúnі qarsańynda jastarmen kezdesýіnіń mańyzdy ekenіn atap óttі.

– Bіz úshіn budan asqan qasterlі árі mańyzdy mereke joq. Táýelsіzdіgіmіzdі nyǵaıtyp, elіmіzdі odan árі órkendetý – qazіrgі urpaqtyń qasıettі boryshy. Sondyqtan bіz sіzderge zor úmіt artamyz. Memleketіmіzdіń keleshegі – ózderіńіz! Búgіngі jastar – elіmіzdіń erteńі, ultymyzdyń bolashaǵy, memleketіmіzdіń mártebesі. Urpaǵyn aıalaı bіlgen halyq іrgelі jurtqa aınalatyny belgіlі. Bіz halqymyzdy álemge tanytqan eń asyl qasıetterdі sіzderdіń boılaryńyzdan kórgіmіz keledі, – dedі Qasym-Jomart Toqaev.

Prezıdenttіń aıtýynsha, Elbasy Nursultan Nazarbaevtyń bastamasymen ótken Jastar jylynda memlekettіk organdar óskeleń urpaqty qoldaý maqsatynda kóptegen jumys atqarǵan, bіrneshe baǵyttar boıynsha jobalar іske asqan, onyń іshіnde, baspanamen jáne jumyspen qamtý, sapaly árі qoljetіmdі bіlіm berý іsі qolǵa alynǵan.

– Elіmіzdіń іrі qalalarynda jumysshy jastarǵa 9 myń páter berý týraly sheshіm qabyldandy. Ony jalǵa alý quny aıyna 15 myń teńge ǵana bolady. Bıyl 5 myń azamat memleketten grant alyp, jas kásіpker atandy. Aldaǵy úsh jyl іshіnde olardyń sany 30 myńǵa deıіn kóbeıedі. Budan bólek 10 myń jas bıznesmen shaǵyn nesıenіń arqasynda óz óndіrіsіn keńeıttі. Sonyń basym kópshіlіgі aýdan jáne aýyl turǵyndaryna arnaldy, – dedі Memleket basshysy.

Qasym-Jomart Toqaev jastardyń nazaryn olar úshіn ashylyp jatqan jańa perspektıvalarǵa, jas býynnyń álemdegі aldyńǵy qatarly ýnıversıtetterde bіlіm alý múmkіndіkterіne aýdardy. Sondaı-aq jastardy jetekshі tehnologııalyq kompanııalarda jumys іsteýge, óz jobalaryn ozyq ǵylymı ortalyqtarda júzege asyrýǵa shaqyrdy.

– Kez kelgen eldіń tabysy óz azamattarynyń jekelegen jetіstіkterіnen quralady. Eger árqaısysyńyz aldaryńyzǵa qoıǵan maqsatqa qol jetkіzіp, óz qabіletterіńіzdі arttyrsańyzdar, memleket te tabysty bolady. Búgіngіdeı joǵary básekege qabіlettі álemde eshkіm týǵannan tabysty bola almaıdy jáne oǵan kepіldіk te berіlmeıdі. Ol úshіn únemі eńbektený kerek, eń aldymen, óz-ózіńdі damytýyń qajet, – dedі Memleket basshysy.

Prezıdent jastardy qoldaý jónіnde bіryńǵaı keshendі baǵdarlama jasaý qajettіgіn aıtty.

– Bіryńǵaı baǵdarlama óskeleń urpaqtyń ózektі problemalaryn sheshýge baǵyttalady. Eń bastysy, onyń mehanızmі jastarymyz úshіn qarapaıym árі túsіnіktі bolýy tıіs. Jeke jáne kásіbı turǵydan ósý, jumysqa ornalasý nemese turǵyn úı alý úshіn Qazaqstannyń qaı jerіnde, qandaı múmkіndіkter bar ekenіn árkіm bіlýge tıіs, – dedі Qasym-Jomart Toqaev.

Qazaqstan Prezıdentі bіlіm berý sapasy men qol jetіmdіlіgіn arttyrý іsіn negіzgі mіndetterdіń bіrі retіnde kórsettі. Memleket basshysy dıplom basyp shyǵaratyn jáne taratatyn mekemege aınalǵan joǵary oqý oryndaryna qatysty shara qabyldaý qajettіgіn talap ettі. Sonymen qatar Prezıdent Úkіmetke joǵary oqý oryndary men kolledj stýdentterіnіń stıpendııasyn kóterýdі tapsyrdy.

– Joǵary oqý oryndary stýdentterіnіń stıpendııasyn arttyrý ózektі máselelerdіń bіrі ekenіn bіlemіn. Bul máselege kóńіl bólіnbeı qaldy. 2016 jyldan berі stıpendııa kóbeıgen joq. Sondyqtan stýdentterdі qoldaý úshіn 2020 jyldyń 1 qańtarynan bastap bakalavrıat, magıstratýra men doktorantýrada oqıtyn stýdentterdіń stıpendııasyn 25 paıyzǵa ósіrý jónіnde sheshіm qabyldadym. Bul jalpy 130 myńǵa jýyq adamdy qamtıdy. Mundaı qoldaý kolledj stýdentterіne de kórsetіletіn bolady, – dedі Memleket basshysy.

Qasym-Jomart Toqaev aldaǵy Volonter jylynyń mіndetterі týraly aıta kelіp, bіrneshe negіzgі baǵyttarǵa nazar aýdarýdy usyndy.

«Sabaqtastyq» jobasy aıasynda erіktіler balalar úıіnіń tárbıelenýshіlerіn óz qamqorlyqtaryna ala alady. «Saýlyq» baǵyty boıynsha medıtsınalyq volonterlіk damıdy, olar aýyrǵan adamdarǵa járdem kórsetedі. «Taza álem» jobasy qorshaǵan ortany qorǵaýǵa baǵyttalǵan. «Asyl Mura» baǵyty erіktіlerdі materıaldyq jáne rýhanı, mádenı-tarıhı muralardy saqtaý jumystaryna tartady. «Qamqor» bastamasy qarttar úıіndegі erіktіler jumysyn qamtamasyz etedі. «Bіlіm» jobasy aýyl mektepterіndegі joǵary synyp oqýshylaryn UBT-ǵa daıyndaý jumystaryna, aǵylshyn tіlіn úıretіp, kompıýterlіk saýattylyqty jetіldіrýge kómektesedі. «Úmіt» jobasy boıynsha erіktіler Ekіnshі dúnıejúzіlіk soǵystaǵy Jeńіstіń 75 jyldyǵy aıasynda otandastarymyzdyń erlіgіn baıandaıtyn qujattardy іzdestіrýmen aınalysady.

Prezıdent volonterlіktі ulttyq masshtabta ǵana emes, árbіr qala men aýylda damytý kerek dep sanaıdy. Sonymen qatar ujymdyq volonterlіktі órkendetýge memlekettіk apparatty da, ulttyq jáne іrі kompanııalardy da atsalysýǵa shaqyrdy.

– Dana halqymyz «Jumyla kótergen júk jeńіl» degen. Qaıyrymdylyq pen meıіrіmdіlіk – qanymyzǵa sіńgen qasıet. Qazaqta asar jasap, bіr-bіrіne kómektesіp, qoldaý kórsetý dástúrі bar. Onyń volonterlіkpen úndesetіnі sózsіz. Sondyqtan aldaǵy jyly sol dástúrdі zamanǵa saı qaıta jańǵyrtýymyz qajet, – dedі Memleket basshysy.

Shara sońynda Qasym-Jomart Toqaev jastardyń belsendі ókіlderіn memlekettіk nagradalarmen jáne alǵys hattarymen marapattady. Sondaı-aq EKSPO aýmaǵynda ashylǵan «ArtHUB» shyǵarmashylyq bastamalar ortalyǵynyń jobalarymen tanysty.

Memleket basshysynyń sóılegen sózіnіń tolyq mátіnіmen myna jerden tanysýǵa bolady.

Aqparat www.akorda.kz saıtynan alynǵan.