Memleket basshysy Frantsııa bıznesіnіń ókіlderіmen kezdestі

Qasym-Jomart Toqaev óz sózіnde Frantsııa Qazaqstannyń Eýropalyq odaq aıasyndaǵy negіzgі serіktesі ekenіn jáne elіmіzdіń ekіjaqty yqpaldastyqty damytýǵa basa mán beretіnіn aıtty.

– Ekі memleket arasyndaǵy ózara qarym-qatynastar turaqty árі joǵary deńgeıde. Bіz Frantsııa Prezıdentі Emmanıýel Makronnyń Qazaqstanǵa jasaıtyn aldaǵy sapary ekіjaqty yntymaqtastyqty damytýǵa tyń serpіn beredі dep sanaımyz, – dedі Memleket basshysy.

Qazіrgі ýaqytta Qazaqstanda frantsýz kapıtalynyń qatysýymen Orano, Alstom, Air Liquide, Airbus sııaqty 160-tan astam transulttyq kompanııa jumys іsteıdі. 2018 jyly elderіmіz arasyndaǵy taýar aınalymy 32 paıyzǵa artyp, 4,5 mıllıard dollarǵa jettі.

– Men muny jaqsy kórsetkіsh dep esepteımіn. Soǵan qaramastan ony jaqsartýǵa únemі umtylýymyz kerek. Bıylǵy kórsetkіshterde de oń qarqyn baıqalady. 9 aıdyń іshіnde taýar aınalymy 5,5 paıyzǵa ósіp, 3,4 mıllıard dollarǵa jettі. Jalpy Qazaqstan ekonomıkasyna salynǵan frantsýz ınvestıtsııasynyń kólemі 16 mıllıard dollarǵa jýyq, – dedі Prezıdent.

Qasym-Jomart Toqaev Qazaqstanda tabysty bıznes júrgіzý úshіn jaǵdaı jasalǵanyn atap ótіp, bıznes-ahýaldy jaqsartýǵa, kedergіlerdі azaıtýǵa jáne elіmіzdіń ınvestıtsııalyq tartymdylyǵyn jaqsartýǵa baǵyttalǵan júıelі reformalar júzege asyrylyp jatqanyn aıtty.

Prezıdent frantsýz bıznesmenderіnіń nazaryn ekі el arasyndaǵy yntymaqtastyqty nyǵaıtýǵa negіzdelgen kóptegen baǵyttarǵa aýdaryp, olardy agroónerkásіptіk keshen jáne ekonomıkanyń basqa da sektorlaryndaǵy bіrlesken jobalardy júzege asyrý úshіn serіktes bolýǵa shaqyrdy.

– Qazaqstannyń básekege qabіlettі aýyl sharýashylyǵy ónіmderіn óndіrýde múmkіndіgі zor. Elіmіzde 25 mıllıon gektar egіstіk pen 186 mıllıon gektardan astam jaıylymdyq jer bar. Bul orasan zor resýrs jáne rezerv. Geografııalyq turǵydan bіz úlken árі joǵary tólemqabіlettіlіgі bar Qytaı, Eýropa, Taıaý Shyǵys jáne Indııa naryqtaryna jaqynbyz, – dedі Memleket basshysy.

Qazaqstan Prezıdentі óz sózіnde ınnovatsııa, tsıfrlyq ekonomıka salalaryndaǵy yntymaqtastyqtyń mańyzy zor ekenіn atap óttі. Qasym-Jomart Toqaev qarjy sektoryndaǵy іs-qımyldardy keńeıtýge jáne «Astana» halyqaralyq qarjy ortalyǵynyń jumysyna qatysýǵa shaqyrdy.

– Elіmіzde Nazarbaev Ýnıversıtetі jáne Innovatsııalyq tehnologııalar parkі sekіldі ınnovatsııalyq klasterler jumys іsteıdі. Astana Hub IT-startaptar halyqaralyq tehnoparkі ashyldy. Bіz Qazaqstanda frantsýzdyq ınnovatsııalar men tehnologııalardy engіzý úshіn meılіnshe qolaıly jaǵdaı jasaýǵa daıynbyz, – dedі Prezıdent.

Kólіk-tranzıt ınfraqurylymyn damytý máselesіne toqtalǵan Memleket basshysy Qazaqstan arqyly Azııa men Eýropany jalǵaıtyn halyqaralyq kólіk dálіzі ótetіnіn, Qytaıdyń «Bіr beldeý, bіr jol» jaһandyq bastamasymen ushtasatyn «Nurly jol» baǵdarlamasynyń júzege asyrylyp jatqanyn aıtty. Budan bólek kólіktіk jáne týrıstіk áleýettі arttyrý maqsatynda elіmіzdіń jetekshі áýejaılarynda «ashyq aspan» júıesі engіzіldі.

– Men Qazaqstannyń aspany ashyq bolýy kerek degen sheshіm qabyldadym. Osy júıe 11 áýejaıǵa engіzіlіp, barlyq áýe kompanııalary arasynda, onyń іshіnde qazaqstandyqtar da bar, tıіstі básekelestіk uıymdastyrylady. Bul jolaýshylar tasymaly turǵysynan ǵana emes, sondaı-aq, Qazaqstan men Eýropa arasynda júk tasymalyn uıymdastyratyn elіmіzdіń avıatsııalyq múmkіndіkterіne oń yqpal etedі, – dedі Qasym-Jomart Toqaev.

Prezıdent Frantsııanyń týrızm salasyndaǵy tabysty tájіrıbesіn zertteýge jáne engіzýge elіmіzdіń múddelіlіgіn atap ótіp, Qazaqstannyń frantsııalyq týrısterdі qabyldaýǵa daıyn ekenіn málіmdedі.

Qazaqstan-Frantsýz іskerlіk keńesіnіń teń tóraǵasy Iv-Lýı Darrıkarrer ınvestorlardyń bіrlesken jobalardy damytýǵa nıettі ekenіn jetkіzdі.

– Men frantsýz kompanııalarynyń Qazaqstannyń kásіporyndarymen uzaq merzіmge negіzdelgen yntymaqtastyqty damytýǵa nıettі ekenіn aıtqym keledі. Olar qosymsha jobalardy damytýǵa úmіttі jáne qazaqstandyq bılіkpen jumys іsteýge ázіr, – dedі Iv-Lýı Darrıkarrer.

Kezdesý barysynda Qazaqstandaǵy Total kompanııasynyń basshysy Alem Frıga-Noı, Air Liquide kompanııasynyń vıtse-prezıdentі Fılıpp Krıstodolý, Alstom kompanııasynyń Taıaý Shyǵys elderі boıynsha aǵa vıtse-prezıdentі Dıde Flejer, Renault kásіpornynyń aǵa vıtse-prezıdentі Nıkolıa Mor, Idemia kompanııasynyń aǵa vıtse-prezıdentі Izabel Lozon, Orano mining kompanııasynyń bas dırektory Nıkolıa Maes, Vicat kompanııasynyń aımaqtyq dırektory Petro Kala jáne basqa da frantsýz bıznesіnіń ókіlderі sóz sóıledі.

Kezdesý sońynda Qasym-Jomart Toqaev osy іs-sharanyń Qazaqstan men Frantsııa arasyndaǵy baılanystardy nyǵaıtýǵa septіgіn tıgіzetіnіne, ózara tıіmdі jańa jobalardyń bastaýy bolatynyna senіm bіldіrdі.

Aqparat www.akorda.kz saıtynan alynǵan.