Memleket basshysy elordadaǵy ınnovatsııalyq ekojúıe nysandarymen tanysty
Qasym-Jomart Toqaev «Alem» baǵdarlamalaý mektebіne, Halyqaralyq «Astana hub» IT-startaptar tehnoparkіne jáne «Astana IT University» aqparattyq tehnologııalar ýnıversıtetіne bardy. Bul nysandardyń bárі «Astana EKSPO-2017» aýmaǵynda ornalasqan.
Qazaqstan Prezıdentі «Alem» mektebіnіń oqytý baǵdarlamasymen tanysty. Oqýshylarmen áńgіmelesý barysynda ol álemde IT salasynyń ózektіlіgі men suranysqa ıe ekenіn atap óttі.
– Qazaqstannyń maqsaty – álemdіk úrdіsten qalyp qoımaý. Eń bastysy, zaman aǵymymen júrіp otyrýymyz kerek, áıtpese bіz álemdіk damý úderіsіnen syrt qalamyz. Bіz jastardy osyndaı daǵdylarǵa baýlyp, atalǵan salaǵa kóptep tartýymyz kerek. Bіlіm alýǵa umtylatyn óte qabіlettі jastarymyz jetkіlіktі, – dedі Qasym-Jomart Toqaev.
Oqýshylar Memleket basshysyna lektsııalardy, baǵa qoıý ádіsіn jáne basqa da dástúrlі bіlіm berý elementterіn muǵalіmsіz baǵdarlamalaýdy qalaı úırený kerektіgіn aıtty.
Sodan keıіn Memleket basshysy Halyqaralyq «Astana hub» IT-startaptar tehnoparkіne bardy. Qasym-Jomart Toqaevqa tehnopark bazasynda júzege asyrylyp jatqan matchmeıkıngke arnalǵan kıbersport platformasy men avtomattandyrylǵan «INUI Software» saýda alańy, «Tastamat» mobıldі postamattary, «Clockster» dep atalatyn qyzmetkerlerdіń jumysqa kelіp-ketýіn tіrkeıtіn bıometrııalyq júıe jáne basqa da startap-jobalar tanystyryldy.
«Astana IT University» aqparattyq tehnologııalar ýnıversıtetіnde Memleket basshysyna joǵary oqý ornynyń negіzgі baǵyttary týraly málіmet berіlіp, oqý kabınetterі men zerthanalary kórsetіldі.
Qasym-Jomart Toqaev stýdentterdі sapaly bіlіm alyp, elіmіzdіń ıgіlіgі úshіn jumys іsteýge shaqyrdy.
– Ýnıversıtet Elbasy Nursultan Nazarbaevtyń tіkeleı bastamasymen ashylǵan. Bіlіm berý turǵysynan bul ýnıversıtet bedeldі árі bіlіktі mamandar daıarlaıtyn, bedeldі oqý ornyna aınalatynyna eshqandaı kúmánіm joq. Neǵurlym jaqsy bіlіm alsańyzdar, myna qıyn da almaǵaıyp ómіrden alar enshіlerіńіz soǵurlym kóp bolady, – dedі Prezıdent.
Aqparat www.akorda.kz saıtynan alynǵan.
